بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى

وقۋ – اعارتۋ مينيسترلىگىنىڭ ەڭ جاڭا حابارلاندىرۋى! شينجياڭنان 6 اۋدان (قالا، رايون) تىزىمدىكتەن ورىن الدى

2025.03.24 16:34     كەلۋ قاينارى : حالىق تورابى

وقۋ ـ اعارتۋ مينيسترلىگى تورابىنىڭ ەڭ جاڭا قۇجاتىنا نەگىزدەلگەندە، تاياۋدا وقۋ ـ اعارتۋ مينيسترلىگى 2024 ـ جىلعى مىندەتتى وقۋ ـ اعارتۋدى ساپالى، بىركەلكى دامىتقان اۋدانداردىڭ (قالا، رايون) تىزىمدىگىن جاريالاعان، شينجياڭنان 6 جەر تىزىمدىكتەن ورىن الدى.

تىزىمدىكتە كورسەتىلۋىنشە، شينجياڭنان جەكە ـ جەكە بۇراتالا موڭعۇل اۆتونوميالى وبلىسىنىڭ الاتاۋ قالاسى، قارامايلى قالاسى قارامايلى رايونى، مايتاۋ رايونى، جايرانبۇلاق رايونى، ورقى رايونى، قۇمىل قالاسىنىڭ اراتۇرىك اۋدانى تىزىمدىككە كىرگەن.

حابارعا قاراعاندا، بيىل 1 – ايدا شينجياڭ ۇيعۇر اۆتونوميالى رايوندىق پارتكوم كەڭسەسى، شينجياڭ ۇيعۇر اۆتونوميالى رايوندىق حالىق ۇكىمەتى كەڭسەسى باسىپ تاراتقان ”ساپالى، بىركەلكى نەگىزگى الەۋمەتتىك وقۋ - اعارتۋعا قىزمەت وتەۋ جۇيەسىن ورناتۋ جونىندەگى اتقارۋ جوباسىندا“ شينجياڭ ۇيعۇر اۆتونوميالى رايونى نەگىزگى الەۋمەتتىك وقۋ - اعارتۋعا قىزمەت وتەۋ جۇيەسىن قۇرىپ، الەۋمەتتىك يگىلىك جالپىعا ءتيىمدى بولۋ مەن ساپالى، بىركەلكى بولۋدى نەگىزگى باعىت ەتىپ، الدىمەن قامتاماسىز ەتۋگە، ۇكىمەت نەگىزگى جاۋاپكەرشىلىكتى ارقالاۋعا، ولقىلىقتاردى تولىقتاۋعا، رەفورما جاساۋعا، جاڭالىق اشۋعا تاباندى بولىپ، نەگىزگى الەۋمەتتىك قىزمەت وتەۋ دەڭگەيىن جاپپاي جوعارىلاتىپ، 2027 ـ جىلى %40 اۋداندا (قالا، رايون) مىندەتتى وقۋ ـ اعارتۋدىڭ ساپالى، بىركەلكى دامۋىن جۇزەگە اسىرۋعا كۇش سالىپ، ساپالى، بىركەلكى نەگىزگى الەۋمەتتىك وقۋ - اعارتۋعا قىزمەت وتەۋ جۇيەسىن العاشقى ادىمدا قۇرۋ؛ 2035 - جىلعا بارعاندا، بۇكىل رايوندا مىندەتتى وقۋ - اعارتۋدىڭ ساپالى، بىركەلكى دامۋى جۇزەگە اسىرۋ، وقۋ جاسىنداعى وقۋشىلار ءادىل، ساپالى نەگىزگى الەۋمەتتىك وقۋ - اعارتۋعا قىزمەت وتەۋدەن يگىلىكتەنۋدى، جالپى تۇلعالىق دەڭگەيى بۇكىل ەلمەن بىردەي بولۋدى جۇزەگە اسىرۋ ايتىلدى.

كەلۋ قاينارى: حالىق تورابى

جاۋاپتى رەداكتورى : مانەپ ەربول ۇلى