دۇنيە جۇزىلىك دەنساۋلىق ساقتاۋ ۇيىمى تۋبەركۋلەز اۋرۋىنىڭ تارالۋىن توقتاتۋ ءۇشىن ءىس جۇزىندىك ارەكەت قولدانۋ جونىندە ۇندەۋ تاستادى 

شينحۋا اگەنتتىگىنىڭ 3 – ايدىڭ 24 – كۇنى جەنەۆادان بەرگەن حابارى. 3 – ايدىڭ 24 - كۇنى دۇنيە جۇزىلىك تۋبەركۋلەز اۋرۋىنان ساقتانۋ جانە ونى ەمدەۋ كۇنى، دۇنيە جۇزىلىك دەنساۋلىق ساقتاۋ ۇيىمى سول كۇنى رەسمي تورابىندا بيىلعى ۇگىت تاقىرىبى: ”سولاي! ءبىز ۋادە بەرۋ، ۇسىنىلىم، ارەكەتكە كەلۋ ارقىلى تۋبەركۋلەز اۋرۋىنىڭ تارالۋىن تيا الامىز“ ەكەنىن جاريالاپ، ءىس جۇزىندىك ارەكەت ارقىلى وسىنداي ساقتانۋعا، ەمدەۋگە بولاتىن اۋرۋدىڭ تارالۋىن توقتاتۋ جونىندە ۇندەۋ تاستادى.

تۋبەركۋلەز اۋرۋى — ءالى دە دۇنيە جۇزىندەگى ەڭ جان العىش جۇقپالى اۋرۋلاردىڭ ءبىرى. دۇنيە جۇزىلىك دەنساۋلىق ساقتاۋ ۇيىمىنىڭ رەسمي تورابىنىڭ ساندى مالىمەتىندە كورسەتىلۋىنشە، دۇنيە ءجۇزى بويىنشا ورتا ەسەپپەن كۇنىنە 3425 ادام تۋبەركۋلەز اۋرۋىنان كوز جۇمادى، 30 مىڭعا جۋىق ادام تۋبەركۋلەز اۋرۋىمەن جۇعىمدالادى. 2000 - جىلدان بەرى، دۇنيە ءجۇزى بويىنشا تۋبەركۋلەز اۋرۋىنا قارسى تۇرۋ جاعىندا جاسالعان قۇلشىنىستار 79 ميلليون ادامدى اجالدان اراشالاعان.

دۇنيە جۇزىلىك دەنساۋلىق ساقتاۋ ۇيىمى جاريالاعان «دۇنيە ءجۇزى بويىنشا 2024 - جىلعى تۋبەركۋلەز اۋرۋىنىڭ جاعدايدى جونىندەگى مالىمەتتەگى» ساندى مالىمەتتەرگە قاراعاندا، 2023 - جىلى دۇنيە ءجۇزى بويىنشا تۋبەركۋلەز اۋرۋىنا شالدىققان 8 ميلليون 200 مىڭنان استام ادام دياگنوز قويۋ جانە ەمدەۋ قىزمەتىنەن يگىلىكتەنگەن، بۇل 2022 - جىلعى 7 ميلليون 500 مىڭ ادامنان كوپ بولىپ، 2020 - جىلعى 5 ميلليون 800 مىڭ ادامنان جانە 2021 - جىلى 6 ميلليون 400 مىڭ ادامنان الدە قايدا اسىپ تۇسكەن. الايدا، دۇنيە ءجۇزى بويىنشا تۋبەركۋلەز اۋرۋىنا شالدىققانداردىڭ مەجەلى سانى مەن جاڭادان دياگنوز قويىلعاندار سانى اراسىندا ءالى دە وراسان زور پارىق بار.

كەلۋ قاينارى: حالىق تورابى