قوعام حاۋىپسىزدىگى مينيسترلىگى تۇتىنۋ سالاسىنداعى جالعان، جارامسىز تاۋارلارعا قاتىستى قىلمىستىق ىستەرگە زاڭ بويىنشا قاتاڭ سوققى بەرۋ جونىندە ورنالاستىرۋ جاسادى 

گۋاڭميڭ گازەتىنىڭ ءتىلشىسى پىڭ جيڭحۇيدىڭ 3 – ايدىڭ 26 – كۇنى قوعام حاۋىپسىزدىگى مينيسترلىگىنەن ۇعىسۋىنشا، تۇتىنۋ جاعىنداعى ءتارتىپ پەن حالىق جۇرتشىلىعىنىڭ تۇتىنۋ جاعىنداعى حاۋىپسىزدىگىن شىنايى قورعاپ، تۇتىنۋدى سەرپىلتۋ ارناۋلى ارەكەتىنە كۇش سالا قىزمەت وتەۋ جانە ونى قامتاماسىزداندىرۋ، ەكونوميكانىڭ ورنىقتى دا اقاۋسىز دامۋىنا قوعام حاۋىپسىزدىگى كۇشتەرىنىڭ اناعۇرلىم زور ۇلەس قوسۋى ءۇشىن، قوعام حاۋىپسىزدىگى مينيسترلىگىنىڭ ءبىلىم مەنشىك ۇقىعىنا قاتىستى قىلمىستىق ىستەردى تەكسەرۋ مەكەمەسى جۋىردا ۇقتىرۋ شىعارىپ، قوعام حاۋىپسىزدىگى ورگاندارىنىڭ ءبىلىم مەنشىك ۇقىعىنا قاتىستى قىلمىستىق ىستەردى تەكسەرۋ تاراۋلارىنىڭ تۇتىنۋ سالاسىنداعى جالعان، جارامسىز تاۋارلارعا قاتىستى قىلمىستىق ىستەرگە زاڭ بويىنشا قاتاڭ سوققى بەرۋى جونىندە ورنالاستىرۋ جاساعان.

ۇقتىرۋدا قوعام حاۋىپسىزدىگى تاراۋلارىنان تۇتىنۋدى سەرپىلتۋ ارناۋلى ارەكەتى جونىندەگى ورنالاستىرۋداعى تالاپتاردى دۇرىس يگەرىپ، تۇتىنۋدى سەرپىلتۋ جاعىندا قوزعاۋشىلىق ەتۋ سيپاتى كۇشتى، ارتتىرۋ كەڭىستىگى كەڭ، حالىق جۇرتشىلىعىنىڭ ءتول مۇددەسىنە ساياتىن ءتۇيىندى سالالاردى، كاسىپتەردى جانە ونىمدەردى تىعىز توڭىرەكتەي وتىرىپ، كورنەكتى قىلمىستىق ىستەرگە قاتاڭ سوققى بەرۋدى؛ جالپىلىق تۇتىنۋدى جاڭالاۋ، دارەجەسىن جوعارىلاتۋ ارەكەتىن توڭىرەكتەي وتىرىپ، اۆتوموبيل، وتباسىلىق ەلەكتر اسپاپتارى، اس ءۇي جانە دارەتحانا جيھازدارى، ءۇي اشەكەيلەۋ جاعىنداعى قۇرىلىس ماتەريالدارى قاتارلى ءتۇيىندى تاۋارلارعا نازاردى شوعىرلاندىرىپ، تاۋار ماركاسىن جالعاننان تىركەۋگە الدىرۋ جانە جالعان، جارامسىز تاۋارلاردى جاساۋ، ساتۋ قاتارلى قىلمىستىق ىستەرگە قاتاڭ سوققى بەرۋدى؛ جاراقسىز، كونە بۇيىمداردى جيناپ الۋ، ءبىر جاقتى ەتۋ جانە قايتا تۋىندايتىن بايلىقتى مانەرلەۋ، پايدالانۋ قاتارلى ءتۇيىندى بۋىندارعا قاداعالاي نازار اۋدارىپ، جيناپ الىنعان ەكىنشى قول بۇيىمداردى جاڭالاۋ ارقىلى ناشار بۇيىمداردى جاقسى بۇيىمداردىڭ ورنىندا ساتۋ، كونە بۇيىمداردى جاڭا بۇيىمداردىڭ ورنىندا ساتۋ سىندى قىلمىستىق ىستەرگە نايزا ۇشىن كەزەپ، قاتاڭ سوققى بەرۋدى تالاپ ەتكەن.

كەلۋ قاينارى: حالىق تورابى