ساۋدا مينيسترلىگى: ءبىر تاراپتى ۆيزا تالاپ ەتىلمەيتىن مەملەكەتتەردىڭ سانى تارتىپپەن ارتتىرىلادى 

3 – ايدىڭ 26 – كۇنى، مەملەكەتتىك كەڭەستىڭ كەڭسە مەڭگەرمەسى ساۋدا مينيسترلىگىنىڭ «حالىقارالىق تۇتىنۋ ورتالىعىندىق قالانى قالىپتاستىرۋ قۇرىلىسىنا قولداۋ كورسەتۋ جونىندەگى ءبىر قىدىرۋ شارالار» اتتى ۇقتىرۋىن جوتكەپ جاريالادى.

ۇقتىرۋدا مىنالار اتاپ كورسەتىلگەن: شاڭحاي قالاسىنىڭ، بەيجيڭ قالاسىنىڭ، گۋاڭجوۋ قالاسىنىڭ، تيانجين قالاسىنىڭ، چۇڭچيڭ قالاسىنىڭ (تومەندە ءبىر تۇتاس قاتىستى قالالار دەپ اتالادى) حالىقارالىق تۇتىنۋ ورتالىعىندىق قالا قالىپتاستىرۋ قۇرىلىسىن جەدەلدەتىپ، دۇنيە جۇزىلىك باۋراۋ قۋاتىنا يە تۇتىنۋ ورتاسىن قالىپتاستىرۋىنا، ەل ىشىندەگى تۇتىنۋ قاجەتىن جان – جاقتى كەڭەيتىپ، حالىقاراعا جوعارى ساپالى ەسىك اشۋدى كەڭەيتۋىنە قولداۋ كورسەتۋ ءۇشىن، 8 ءتۇرلى ساياساتتىق شارا بەلگىلەنگەن.

مۇندا مىنالار اتاپ كورسەتىلگەن: شەكارادان كىرۋگە رۇقسات بەرۋ ساياساتى مەن تۇتىنۋ ورتاسى جاقسارتىلادى. ءبىر تاراپتى ۆيزا تالاپ ەتىلمەيتىن مەملەكەتتەردىڭ سانى تارتىپپەن ارتتىرىلىپ، شەتەلدىكتەر شەكارادان وتكەندە ۆيزا ءبىتىرۋىن تالاپ ەتپەۋ ساياساتىنىڭ ونىمدىلىگى جوعارىلاتىلادى، قاتىستى قالالاردىڭ شەكارادان وتكەندەردەن ۆيزا ءبىتىرۋدى تالاپ ەتپەۋ ساياساتىن ءوڭىر كولەمىندە سايكەسە ورىستەتۋى ىلگەرىلەتىلەدى. شەتەلدىكتەردىڭ شەكارادان كىرىپ، كەدەننەن وتۋىنە قاتىستى رەسميەتتەر جاقسارتىلىپ، شەكارادان كىرۋ وڭىرىندە شەكارادان كىرۋ جاعىندا قىزمەت وتەۋ باعدارناماسى، حابارلاسۋ جاعىندا قىزمەت وتەۋ، شەتەل اقشاسىن ايىرباستاۋ، جىلجىمالى تولەۋ قاتارلى ءبىر قىدىرۋ جاقتاردا قىزمەت وتەلەدى.

قاتىستى قالالاردىڭ شەكارا سىرتىندا توتە ۇشاتىن اۋە لەنيالارىن كوبەيتۋىنە قولداۋ كورسەتىلەدى. تولەۋ جاعىندا قىزمەت وتەيتىن كوپ ساتىلى، كوپ نەگىزدى جۇيە كۇش سالا كەمەلدەندىرىلىپ، ءتىپتى دە كوپ ساۋدا دۇكەندەرىنىڭ شەكارا سىرتىنداعى بانكە كارتوچكاسىمەن ەسەپ جابۋ فۋنكتسياسىن اشۋى ىلگەرىلەتىلىپ، شەكارا سىرتىنداعى ءتىپتى دە كوپ ەلەكتروندىق اقشا قاپشىعىنىڭ شەكارا ىشىندە پايدالانىلۋىنا قولداۋ كورسەتىلەدى. حالىقارالىق تۇتىنۋ شوعىرلانعان رايوندار مەن شەكارادان كىرگەندەردىڭ تۇتىنۋىنا قولايلى ساۋدا شەڭبەرىنەن ءبىر توبى قۇرىلادى. الەۋمەتتىك ورىندارداعى كوپ ءتۇرلى تىلدەگى بەلگىلەر جانە جول نۇسقاۋ قۇرىلعىلارى كەمەلدەندىرىلىپ، شەتەلدىكتەرگە قىزمەت وتەيتىن توتە جەلىلەر ىسكە قوسىلادى.

كەلۋ قاينارى: حالىق تورابى