بەتتى ساقتاۋ | باس بەت ەتۋ
| حات ساندىعى
| حابارلاسىڭىز | ءبىز تۋرالى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
2025.07.04 14:09 كەلۋ قاينارى : حالىق تورابى
وقۋ - اعارتۋ مينيسترلىگىنىڭ، اسكەري ىستەر كوميتەتى ساياسي قىزمەت ءبولىمىنىڭ، جاتتىعۋدى باسقارۋ ءبولىمىنىڭ «اسكەري مەكتەپتەردىڭ ‹2025 - جىلعى ادەتتەگى ورتا مەكتەپ بىتىرگەن وقۋشىلاردى قابىلداۋ جوسپارى› بويىنشا وقۋشى قابىلداۋ جونىندەگى ۇقتىرۋىنىڭ» (اسكەري جاتتىعۋ 2025 – جىلعى 105 - ءنومىرلى) قۇجاتىنداعى بەلگىلەمەگە ساي، شينجياڭ اسكەري رايونىنىڭ وقۋشى قابىلداۋ قىزمەت كەڭسەسى اسكەري مەكتەپتەرگە ەمتيحان بەرگەن وقۋشىلاردىڭ قاتىستى جاعدايلارىمەن ۇشتاستىرا وتىرىپ، سالىستىرما بويىنشا اسكەري مەكتەپتەردىڭ شينجياڭنان ادەتتەگى ورتا مەكتەپ بىتىرگەن وقۋشىلاردى بەتپە - بەت ەمتيحان، دەنساۋلىق تەكسەرۋگە قابىلداۋداعى ءنومىر شەگىن بەلگىلەدى (تومەندە قىسقارتىلىپ ”اسكەري تەكسەرۋ ءنومىر شەگى“ دەلىنەدى، ناقتى جاعدايدى قوسىمشا قۇجاتتان كورىڭىزدەر). جەلىدە ەمتيحان بەرۋشىلەردىڭ تىزىمدىگىن ءارقايسى ايماقتاردىڭ (وبلىس، قالا) وقۋ ـ اعارتۋ ەمتيحان قۇرىلىمدارى ەمتيحان بەرۋشىلەر تۇرعان مەكتەپكە ۇقتىرادى.
اسكەري تەكسەرۋ قىزمەتى 7 – ايدىڭ 6 – كۇنىنەن 8 – كۇنىنە دەيىن (قايتا تەكسەرۋ ۋاقىتىن قامتيدى) جۇرگىزىلەدى، تەكسەرۋگە قاتىناساتىن وبيەكتىلەر جالپى ناتيجەسى اسكەري تەكسەرۋگە قابىلداۋدىڭ ءنومىر شەگىنەن تومەن بولماۋى ءارى ساياسي باعالاۋ، دەنە قۋاتىن تەكسەرۋ ناتيجەسى تۇگەلدەي تولىمدى بولعان ەمتيحان بەرۋشىلەر بولۋى كەرەك. اسكەري تەكسەرۋ شارتىنا ۇيلەسەتىن ەمتيحان بەرۋشىلەر ازاماتتىق كۋالىگىن، ەمتيحانعا قاتىناسۋ رۇقسات كۋالىگىن، 2 دانا ءبىر سۇڭدىق، 2 دانا ەكى سۇڭدىق ارتقى كورىنىسى قىزىل ءتۇستى باس سۋرەتىن، مەملەكەتتىڭ دەنە قۋاتى، دەنساۋلىق ولشەمى بويىنشا تىزىمدەلۋ كارتوچكاسىن الىپ تەكسەرۋگە قاتىناسادى (شينجياڭنىڭ 2025 - جىلعى اسكەري مەكتەپتەردىڭ ادەتتەگى ورتا مەكتەپ بىتىرگەن وقۋشىلاردى قابىلداۋ قىزمەت تارتىبىنە قاراڭىز). بەلگىلەنگەن ۋاقىت ىشىندە ارميا ۇيىمداستىرعان بەتپە - بەت ەمتيحانعا، دەنساۋلىق تەكسەرۋگە قاتىناسپاسا، اسكەري مەكتەپتەرگە بارۋدان باس تارتقان دەپ قارايدى.
شينجياڭ اسكەري رايونىنىڭ وقۋشى قابىلداۋ ساياساتى جونىندەگى اقىل - كەڭەس بەرۋ، باقىلاۋ، اشكەرەلەۋ تەلەفونى: 4968822 – 0991
كەلۋ قاينارى: حالىق تورابى
