يران زۇڭتۇڭى: 12 كۇنگە جالعاسقان سوعىس اياقتالدى، قايتا قۇرۋ قىزمەتى باستالدى

شينحۋا اگەنتتىگىنىڭ 6 ـ ايدىڭ 24 ـ كۇنى تەھران قالاسىنان بەرگەن حابارى. يراننىڭ زۇڭتۇڭى پەيزەشكيان 6 ـ ايدىڭ 24 ـ كۇنى يران حالقىنا جولداعان اشىق حاتىندا بىلاي دەدى: يران حالقىنىڭ ەرلىكپەن قارسىلىق كورسەتۋى ارقىلى يزرايل قوزعاعان، 12 كۇنگە جالعاسقان وسى سوعىس اياقتادى. سونىمەن بىرگە، ول ءارقايسى قۇرىلىمداردان بۇگىننەن باستاپ زەيىن - زەردەسىن قايتا قۇرۋ قىزمەتىنە جۇمساۋدى تالاپ ەتتى.

يران زۇڭتۇڭ سارايىنىڭ سول كۇنى جاريالاعان مالىمدەمەسىنە قاراعاندا، پەيزەشكيان بىلاي دەدى: جاۋدىڭ يراننىڭ يادرو قۇرىلعىلارىن تالقانداپ، قوعامدىق بىلىقپالىق تۋدىرۋ قاسكۇنەمدىگى تۇبەگەيلى جەڭىلىسكە ۇشىرادى؛ كەرىسىنشە، يزرايلدىڭ ماڭىزدى قۇرىلعىلارى اۋىر زيانعا ۇشىرادى، بۇل يرانعا باعىتتالعان تاۋەكەلشىلدىك ارەكەتتىڭ اۋىر بوداۋ بەرەتىندىگىن تۇسىندىرەدى.

بۇدان سىرت، پەيزەشكيان 6 – ايدىڭ 24 - كۇنى ساۋد ارابياسىنىڭ پاتشا مۇراگەرى، قوسىمشا باس ءۋازىرى مۇحاممەدپەن تەلەفوندا سويلەسكەندە بىلاي دەدى: يران حالىقارالىق جۇلگە اياسىندا ا ق ش ـ پەن بولعان ماسەلەلەردى شەشۋگە دايىندالدى. ول مىنالاردى باسا دارىپتەدى: ا ق ش پەن يزرايل يسلام ەلدەرى اراسىندا جاۋلاسۋ نيەتىن تۋدىرماقشى بولدى، ال يران وڭىرلىك ىنتىماق پەن بەيبىتشىلىكتى كۇشەيتۋدى قاراستىرۋدا، سونداي ـ اق ونى مەملەكەتتىڭ جەدەل دامۋىنىڭ نەگىزى دەپ ەسەپتەيدى.

كەلۋ قاينارى: حالىق تورابى