ينتەرنەتتەن پايدالانۋشى AI ارقىلى ”بالالار باقشاسىندا ءورت كەتتى“ دەگەن وسەك – اياڭدى قۇراستىرعاندىقتان جازالاندى 

جۋىردا شاندۇڭ ولكەسى تىڭجوۋ قالالىق قوعام حاۋىپسىزدىگى مەكەمەسىنىڭ ينتەرنەت حاۋىپسىزدىگى تاراۋلارى AI ارقىلى قۇراستىرعان ”بالالار باقشاسىندا ءورت كەتتى“ دەگەن وسەك – اياڭدى تاراتۋعا قاتىستى دەلونى ءبىر جاقتى ەتكەن. تەكسەرۋگە قاراعاندا، ينتەرنەت قولدانۋشى ليۋ xx جۇرتتىڭ نازارىن اۋدارىپ، كورىلىمگە يە بولۋ ءۇشىن AI قۇرالىنان پايدالانىپ، ءمالىم ينتەرنەت تەكشەسىندە ”بالالار باقشاسىندا كەنەتتەن ءورت كەتتى! ءورت جالىنى كوككە شاپشىپ، 3 مينۋت ىشىندە بۇكىل عيماراتتى ءورت شالدى“ دەگەن تاقىرىپتاعى مازمۇندى جولداعان. ءتىپتى، ”ارتقى ەسىكتەگى شىعاتىن جولعا ۋاقىتشا ۇيىلگەن وقىتۋ قۇرالدارى جولدى توسىپ قالىپ، 32 بالا امالسىزدان تۇرعان ورنىندا باس ساۋعالاعان، ءورت وشىرۋشىلەر كەلگەن كەزدە عانا حاۋىپتەن قۇتقارىلعان“ دەگەن وسەك – اياڭدى جاساۋدان سىرت، ”اتالعان بالالار باقشاسى ءورت وشىرۋگە قاتىستى ەڭ جاڭا تەكسەرىپ وتكىزىپ الۋدان وتپەگەن ەكەن ...“ دەپ سوققان، الايدا، بۇلاردىڭ بارلىعى ەشقانداي نەگىزى جوق ويدان قۇراستىرىلعان مازمۇندار. بۇل وسەك – اياڭ جولدانعان سوڭ، ينتەرنەتتە دەرەۋ تارالىپ، توراپتاستاردىڭ نازارىن اۋدارعان ءارى ۇرەيلەندىرگەن، قوعامداعى الەۋمەتتىك ءتارتىپتى اۋىر دارەجەدە بۇلدىرگەن، جەرگىلىكتى ورىننىڭ قوعامداعى وبىرازىنا كەسىرى تيگەن. سول جەردەگى قوعام حاۋىپسىزدىگى ورگاندارى قاتىستى زاڭ – تۇزىمدەرگە ساي، ليۋ xx كە اكىمشىلىك جاقتان جازا قولدانعان.

كەلۋ قاينارى: حالىق تورابى