شينجياڭ اۋا رايى ستانسياسى جوعارى تەمپەراتۋرادان ساقتانۋدىڭ سارى ءتۇستى ساقتىق سيگنالىن جاريالادى

جۇڭگو اۋا رايى تورابىنىڭ ساقتىق ينفورماتسياسىنا نەگىزدەلگەندە، 6 – ايدىڭ 15 - كۇنى ساعات 16 دان 5 مينۋت وتكەندە، شينجياڭ اۋا رايى ستانسياسى جوعارى تەمپەراتۋرادان ساقتانۋدىڭ سارى ءتۇستى ساقتىق سيگنالىن جاريالاعان، مەجەمەن 6 – ايدىڭ 16 - كۇنى كۇندىزدەن 20 – كۇنى تۇنگە دەيىن، بۇكىل شينجياڭنىڭ جازىق رايوندارىنىڭ باسىم كوپ بولەگىندە ىلگەرىندى – كەيىندى 35 سەلتسي گرادۋستان اساتىن جوعارى تەمپەراتۋرالى اۋا رايى جارىققا شىعادى، مۇنىڭ ىشىندە بۇراتالا وبلىسىنىڭ شىعىس بولەگى، تارباعاتاي ايماعىنىڭ وڭتۇستىك بولەگى، قارامايلى قالاسى، شىحىزى قالاسىنىڭ سولتۇستىك بولەگى، سانجى وبلىسىنىڭ باتىس بولەگى، ءۇرىمجى قالاسىنىڭ سولتۇستىك بولەگى، قاشقار ايماعىنىڭ شىعىس بولەگى، اقسۋ ايماعىنىڭ وڭتۇستىك بولەگى، حوتان ايماعىنىڭ سولتۇستىك بولەگى، تۇرپان قالاسى، قۇمىل قالاسىنىڭ وڭتۇستىك بولەگى قاتارلى جەرلەردىڭ ءىشىنارا وڭىرلەرىنىڭ تەمپەراتۋراسى 40 سەلتسي گرادۋستان اسادى. ىستىقتان ساقتانىپ، تەمپەراتۋرانى تومەندەتۋگە جانە وتتان حاۋىپسىز پايدالانۋعا كوڭىل بولىڭىزدەر.

ورتالىق اۋا رايى ستانسياسىنىڭ 6 – ايدىڭ 15 - كۇنى ساعات 16 دا جاريالاعان ناقتى جاعدايدى رەتكە تۇرعىزۋ ساندى مالىمەتىندە كورسەتىلۋىنشە، بۇكىل ەلدەگى ەڭ ىستىق 10 جەردىڭ الدىڭعى 7 سى شينجياڭدا. مۇندا توقسۇن اۋدانى 43.5 سەلتسي گرادۋسپەن ءبىرىنشى ورىندى، ونان تۇرپان قالاسى 43.3 سەلتسي گرادۋسپەن ەكىنشى ورىندى يەلەگەن.

الداعى بىرنەشە كۇندە ۇرىمجىدە نەگىزىنەن كۇن بۇلتتى بولىپ، اۋا تەمپەراتۋراسى ءبىرشاما جوعارى بولادى، سىرتقا شىققاندا كۇنگە كۇيۋدەن ساقتانۋعا كوڭىل بولىڭىزدەر، ورتا مەكتەپ ەمتيحانىنا قاتىناسقان وقۋشىلار ىستىقتان ساقتانۋ، تەمپەراتۋرانى تومەندەتۋ قىزمەتىن جاقسى ىستەۋگە كوڭىل بولىڭىزدەر، اتا - انالار تۇزدى سۋ، كوك بۇرشاق سورپاسى سياقتى ىستىقتى قايتاراتىن سۋسىندىقتاردى دايىنداپ، قاجەتتى دايىندىقتاردى ىستەۋى كەرەك.

كەلۋ قاينارى: حالىق تورابى