وڭتۇستىك شينجياڭنىڭ كوپ جەرىندە قۇمدى بوران سوقتى

6 – ايدىڭ 11 – كۇنى تۇستەن كەيىننەن باستاپ، وڭتۇستىك شينجياڭنىڭ كوپ جەرىندە قۇمدى بوران سوقتى، توسىن تۋىلعان اۋا رايى وزگەرىسى جەرگىلىكتى بۇقارانىڭ ءجۇرىس - تۇرىسىنا زور ىقپال جاسادى.

6 – ايدىڭ 11 – كۇنى ساعات 18دە، شينجياڭ ماكىت اۋدانىنىڭ تۇرعىندارى قولفوندارىمەن قۇمدى بوراننىڭ سوققان كورىنىسىن ەستەلىككە الدى، بەينەجازبادا قۇمدى بوران سوعىپ، نەشە ءجۇز مەتر بيىكتىكتەگى ”قۇمدى داۋال“ قالىپتاسقاندىعىن، ”قۇمدى داۋالدىڭ“ جەلمەن بىرگە جىلجىعانىن كورۋگە بولادى.

ياركەن اۋدانىندا سوققان قۇمدى بوراننىڭ ىقپالىنان اۋدان قالاشىعىنداعى كوپتەگەن وڭىرلەردىڭ كورۋ دارەجەسى 100 مەترگە جەتپەي، ارلى ـ بەرلى جۇرگەن اۆتوكولىكتەر ارت ـ ارتىنان قارقىنىن باياۋلاتتى. شينجياڭ اۋا رايى ستانسياسىنىڭ مالىمەتىنە قاراعاندا، وسى رەتكى وڭتۇستىك شينجياڭعا ىقپال جاساعان قۇمدى بوران 2 دە 3 كۇنگە جالعاسادى.

كەلۋ قاينارى: حالىق تورابى