قاتاڭ سوققى بەرەدى! 26 ولكە، اۆتونوميالى رايون، توتە قاراستى قالا ۇقىققا قول سۇققان، جالعان – جارامسىز تاۋارلاردى ءبىر ۋاقىتتا جويدى 

ورتالىق تەلەۆيزيا تورابىنىڭ حابارى: مەملەكەتتىك بازاردى باقىلاۋ – باسقارۋ باس مەڭگەرمەسىنىڭ ۋيشين الەۋمەتتىك تەكشەسىنىڭ حابارلاۋىنشا، 6 – ايدىڭ 10 – كۇنى مەملەكەتتىك ساپا جاعىنداعى قۋاتتى مەملەكەت قۇرىلىسىن سايكەستىرە ىلگەرىلەتۋگە باسشىلىق ەتۋ گرۋپپاسىنىڭ كەڭسەسى بازاردى باقىلاۋ – باسقارۋ باس مەڭگەرمەسىمەن بىرگە 2025 – جىلعى ۇقىققا قول سۇققان، جالعان – جارامسىز تاۋارلاردى مەملەكەت بويىنشا ءبىر تۇتاس جويۋ ارەكەتىن ۇيىمداستىرىپ ورىستەتكەن. نەگىزگى ءماجىلىس ورنى حۋنان ولكەسى چاڭشا قالاسىندا بولىپ، 25 ولكە (اۆتونوميالى رايون، توتە قاراستى قالادا) بولىمشە ءماجىلىس الاڭى ورنالاستىرىلعان، نەگىزگى ءماجىلىس الاڭى مەن بولىمشە ءماجىلىس الاڭدارى بەينە كەسكىن ارقىلى بايلانىس جاساپ، ءبىر ۋاقىتتا جويۋ قىزمەتىن ورىستەتكەن.

وسى رەتكى ارەكەت بارىسىندا حالىق تۇرمىسىنا جانە حاۋىپسىزدىك سالاسىنا نازاردى شوعىرلاندىرىپ، ەلىمىز بويىنشا ۇقىققا قول سۇققان، جالعان – جارامسىز ازىق – تۇلىكتەر مەن ءدارى – دارمەكتەر، كيىم – كەشەكتەر مەن اياق كيىم، باس كيىمدەر، تەمەكى جانە اراق، بەزەنۋ بۇيىمدارى، ۇرلاپ باسىلعان باسىلىمدار، گاز وشاعى، ءورت ءوشىرۋ بۇيىمدارى قاتارلى 200 نەشە ءتۇرلى بۇيىم جويىلعان، جالپى سالماعى 3683 توننا، زاتتاردىڭ قۇنى 432 ميلليون يۋان بولعان. جويىلعان زاتتاردىڭ بارلىعى جاسىل تيپتى، ورتانى قورعاۋ نەگىزىندە، زالالسىز تاسىلمەن ءبىر جاقتى ەتىلگەن.

كەلۋ قاينارى: حالىق تورابى