جۇڭگونىڭ لوس - انجەلەستەگى باس كونسۋلحاناسى جۇڭگو ازاماتتارىنا حاۋىپسىزدىك ساقتىعىن كۇشەيتۋدى ەسكەرتتى 

شينحۋا اگەنتتىگىنىڭ 6 – ايدىڭ 8 - كۇنى لوس – انجەلەستەن بەرگەن حابارى. جۇڭگونىڭ لوس - انجەلەستە تۇراتىن باس كونسۋلحاناسى 6 - ايدىڭ 8 - كۇنى حابارلاندىرۋ جاريالاپ، لوس - انجەلەس رايونىنداعى جۇڭگو ازاماتتارىنا حاۋىپسىزدىك ساقتىعىن كۇشەيتۋدى ەسكەرتتى.

حابارلاندىرۋدا بىلاي دەلىندى: ”لوس – انجەلەس رايونىنىڭ كوپ جەرى زاڭ اتقارۋ قيمىلىن ۇزدىكسىز ورىستەتۋدە“، جەرگىلىكتى جۇڭگو ازاماتتارى ”ۇكىمەت جاقتىڭ حابارلاندىرۋىنا جانە اقپارات قۇرالدارىنىڭ حابارلاۋىنا قاداعالاي نازار اۋدارىپ، حاۋىپسىزدىك تانىمىن شىنايى جوعارىلاتىپ، حاۋىپسىزدىك ساقتىعىن كۇشەيتىپ، جينالىس ورىندارىنان، ادامدار شوعىرلانعان وڭىرلەردەن نەمەسە قوعام اماندىعى جاقسى بولماعان وڭىرلەردەن اۋلاق بولىپ، تۇندە نەمەسە جالعىز - جارىم ساپارعا شىعۋدان ساقتانۋى كەرەك“.

حابارلاندىرۋدا لوس - انجەلەس رايونىنداعى جۇڭگو ازاماتتارىنا توسىن جاعدايعا تاپ بولعاندا، ساقشى جاقتىڭ تەلەفونىنا، جۇڭگو سىرتقى ىستەر مينيسترلىگىنىڭ بۇكىل جەر شارىنداعى كونسۋلدىق قورعاۋ جانە قىزمەت وتەۋگە شۇعىل توتەپ بەرۋ ىستىق لەنياسىنا جانە باس كونسۋلحانانىڭ كونسۋلدىق قورعاۋ جانە كومەكتەسۋ تەلەفونىنا دەر كەزىندە تەلەفون سوعۋدى ەسكەرتتى.

ا ق ش قونىس اۋدارۋ جانە كەدەندىك زاڭ اتقارۋ مەكەمەسى قاتارلى فەدەراتسيالىق قۇرىلىمدار 6 – ايدىڭ 6 – كۇنى جانە 7 - كۇنى قىرۋار زاڭ اتقارۋشى قىزمەتكەرلەردى شىعارىپ، لوس - انجەلەس اۋدانىنىڭ كوپ جەرىندە زاڭسىز قونىس اۋدارعانداردى ءتىنتۋ، تۇتقىنداۋ قيمىلىن ورىستەتىپ، ءۇرتىس ەكى كۇن جەرگىلىكتى الەۋمەتتىك اۋماق تۇرعىندارىمەن اۋىر قاقتىعىس تۋدىردى. 6 – ايدىڭ 7 – كۇنى، ا ق ش زۇڭتۇڭى ترامپ زۇڭتۇڭ ەسكەرتپە حاتىنا قول قويىپ، لوس ـ انجەلەس رايونىنا حالىقتىق قورعاۋشىلار اترەتىنىڭ قىزمەتكەرلەرىن جىبەرەتىندىگىن جاريالادى. ا ق ش ارمياسى 6 – ايدىڭ 8 – كۇنى بىلاي دەدى: سول كۇنى حالىقتىق قورعاۋشىلار اترەتىنىڭ 300 قىزمەتكەرى بۇيرىق بويىنشا لوس - انجەلەس رايونىنا كىردى.

6 – ايدىڭ 8 – كۇنى، نەشە مىڭ نارازىلىق بىلدىرۋشىلەر لوس - انجەلەستەگى حالىقتىق قورعاۋشىلار اترەتىمەن جانە باسقا دا زاڭ اتقارۋ قۇرىلىمدارىنىڭ قىزمەتكەرلەرىمەن قاقتىعىستى. قازىر ەكى جاق ءالى دە لوس - انجەلەس قالاسىنىڭ ورتالىق وڭىرىندە تىرەسۋدە.

كەلۋ قاينارى: حالىق تورابى