پروكۋراتۋرا ورگاندارى ياڭ فاسىننىڭ پارا الۋ دەلوسىنا زاڭ بويىنشا الەۋمەتتىك ايىپتاۋ ءتۇسىردى

شينحۋا اگەنتتىگىنىڭ 6 - ايدىڭ 5 – كۇنى بەيجيڭنەن بەرگەن حابارى. ءتىلشىنىڭ 6 - ايدىڭ 5 - كۇنى ەڭ جوعارى حالىق پروكۋراتۋراسىنان ۇعىسۋىنشا، چيڭحاي ولكەلىك پارتكومنىڭ بۇرىنعى تۇراقتى مۇشەسى، ساياسي - زاڭ كوميتەتىنىڭ بۇرىنعى شۋجيى ياڭ فاسىننىڭ پارا الۋ دەلوسىن مەملەكەتتىك باقىلاۋ - تەكسەرۋ كوميتەتى تەكسەرىپ اياقتاتقان، ەڭ جوعارى حالىق پروكۋراتۋراسىنىڭ كورسەتۋىمەن شانشي ولكەسى حانجۇڭ قالالىق حالىق پروكۋراتۋراسى تەكسەرىپ ايىپتاعان. تاياۋدا حانجۇڭ قالالىق حالىق پروكۋراتۋراسى حانجۇڭ قالالىق ورتا دارەجەلى حالىق سوت مەكەمەسىنە الەۋمەتتىك ايىپتاۋ ءتۇسىردى.

پروكۋراتۋرا ورگانى تەكسەرىپ ايىپتاۋ ساتىسىندا ايىپكەر ياڭ فاسىننىڭ ارىز - شاعىم ۇقىعىنان يگىلىكتەنەتىندىگىن زاڭ بويىنشا ۇقتىردى ءارى جاۋاپكەردى سۇراققا تارتتى. پروكۋراتۋرا ورگانى بىلاي دەپ ايىپتادى: ايىپكەر ياڭ فاسىن شينجياڭ ۇيعۇر اۆتونوميالى رايونى اقسۋ ايماعى اقسۋ قالاسى ىگەرشى اۋىلدىق پارتكومنىڭ شۋجيى، اقسۋ قالالىق پارتكومنىڭ تۇراقتى مۇشەسى، ورىنباسار قالا باستىعى، اقسۋ قالالىق پارتكومنىڭ ورىنباسار شۋجيى، باي اۋداندىق پارتكومنىڭ شۋجيى، كۇشار اۋداندىق پارتكومنىڭ شۋجيى، حوتان ايماقتىق پارتكومنىڭ شۋجيى، شينجياڭ ۇيعۇر اۆتونوميالى رايوندىق ۇكىمەتتىڭ ورىنباسار ءتوراعاسى، شينجياڭ ۇيعۇر اۆتونوميالى رايوندىق پارتكومنىڭ تۇراقتى مۇشەسى، ءۇرىمجى قالالىق پارتكومنىڭ شۋجيى، چيڭحاي ولكەلىك پارتكومنىڭ تۇراقتى مۇشەسى، ساياسي ـ زاڭ كوميتەتىنىڭ شۋجيى قاتارلى قىزمەتتەردى وتەگەن كەزىندە قىزمەت قولايلىلىعى، سونداي ـ اق قىزمەت ۇقىعى نەمەسە ورنى قالىپتاستىرعان قولايلى شارت ـ جاعدايدان پايدالانىپ باسقالارعا پايدا جەتكىزىپ، باسقالاردىڭ مال ـ مۇلكىن زاڭسىز قابىلداعان، سوماسى ەرەكشە كوپ، زاڭ بويىنشا پارا الۋ قىلمىسى بويىنشا قىلمىستىق ىستەر جاۋاپكەرشىلىگىن قۋزاستىرۋ كەرەك.

كەلۋ قاينارى: حالىق تورابى