شينجياڭدا كەن شارۋاشىلىعى ۇقىعىن ساتىپ بەرۋ نىسانىن تانىستىرۋ ءماجىلىسى 6 – ايدىڭ 12 – كۇنى ۇرىمجىدە وتكىزىلەدى

حالىق تورابىنىڭ ءتىلشىسى چىن شيڭحۇي 6 – ايدىڭ 5 – كۇنى ۇرىمجىدەن حابارلايدى. 2025 – جىلعى جۇڭگو كەن بارلاۋشىلار جىلدىق ءماجىلىسى 6 – ايدىڭ 12 – كۇنىنەن 14 – كۇنىنە دەيىن شينجياڭ ءۇرىمجى قالاسىندا وتكىزىلەدى، بۇل جۇڭگو كەن بارلاۋشىلار جىلدىق ءماجىلىسىنىڭ تۇڭعىش رەت شينجياڭدا وتكىزىلۋى. وسى مەزگىلدە، شينجياڭدا كەن شارۋاشىلىعى ۇقىعىن ساتىپ بەرۋ نىسانىن تانىستىرۋ ءماجىلىسى دە ءبىر ۋاقىتتا وتكىزىلەدى، باستى تاقىرىبى ”جىبەك جولىنداعى جاڭا وراي، كەن شارۋاشىلىعىنىڭ تىڭ بولاشاعى“.

بۇل بيىل وتكىزىلەتىن ەكىنشى رەتكى تانىستىرۋ ءماجىلىسى بولىپ، شينجياڭنىڭ كەن شارۋاشىلىعىنىڭ دامۋىنا قاتىستى ساياساتتار مەن ءتۇيىندى نىسانداردى، بايلىق ابزالدىلىعى قاتارلى باسىمدىلىقتاردى جالپى بەتتىك ءتۇسىندىرىپ، شينجياڭنىڭ جاڭا كەزەكتى كەن بارلاۋدا ناتيجە جاراتۋ ستراتەگيالىق ارەكەتىنىڭ جەتىستىكتەرى مەن 2025 – جىلعى ورنالاستىرۋلارىن تانىستىرىپ، قارجىلاندىرۋشىلارعا دامۋ جونىندەگى انىق جوسپاردى ۇسىنادى.

وسى رەتكى تانىستىرۋ ماجىلىسىندە 162 ءتۇرلى كەن شارۋاشىلىعى ۇقىعىن ساتىپ بەرۋ نىسانى شوعىرلى تانىستىرىلادى، مۇندا مۇناي جانە گاز، كومىر، مىس، التىن، نيكەل قاتارلى باستى كەن بايلىقتارى قامتىلادى، ءاربىر بولىكتەر مۇقيات سارالانعان، ءبىرشاما ويداعىداي مينەرالداۋ گەولوگيالىق شارت – جاعدايىنا، كەن ىزدەۋ بولاشاعىنا جانە بايلىق قاينارى كومەسكى قۋاتىنا يە. ءماجىلىس مەزگىلىندە، قاتىستى قول قويۋ قيمىلدارى دا وتكىزىلىپ، كاسىپورىندار مەن ۇكىمەت، كاسىپورىندار مەن كاسىپورىندار اراسىنداعى سەلبەسىپ بىرگە يگىلىكتەنۋگە كوپىر بولىپ، شينجياڭنىڭ كەن شارۋاشىلىعى ەكونوميكاسىنىڭ جوعارى ساپالى دامۋىن بىرگە ىلگەرىلەتەدى.

جىل باسىنان بەرى، شينجياڭ جاڭا كەزەكتى كەن ىزدەۋدە ناتيجە جاراتۋ ستراتەگيالىق ارەكەتىنە ارقا سۇيەي وتىرىپ، ”قوس ارنالى قوزعالتۋدى“ ىسكە اسىرۋدى ىلگەرىلەتتى. ءبىر جاعىنان، ستراتەگيالىق سيپاتتى كەن مەن جالپىلىق كەندى باستى ءتۇيىن، ءىرى تيپتى كەن بايلىعى بازاسىن قالىپتاستىرۋدى نىسانا ەتىپ، گەولوگيالىق كەن ىزدەۋ قىزمەتىن ىشكەرىلەي ناقتى ورىستەتۋدى كۇش سالا ىلگەرىلەتتى. 2024 – جىلدىڭ سوڭىنا دەيىن، شينجياڭ مەملەكەت تاپسىرعان ”14 – بەسجىلدىق“ مەزگىلىندە 14 ءتۇرلى كەندى ىزدەۋ نىساناسىن مەرزىمىنەن بۇرىن ىسكە اسىرىپ، 6 كەن ءتۇرى بويىنشا مىندەتتى ولشەمنەن ارتىق ورىنداپ، جيىنى 18 ورىنداعى ءىرى تيپتى كەن بايلىعى بازاسىن بەكەمدەدى جانە قالىپتاستىردى. ەندى ءبىر جاعىنان، كەن شارۋاشىلىعى ۇقىعىن ساتىپ بەرۋ جاعىنداعى ونىمدىلىك كورنەكتى بولدى ءارى جىل سايىن ارتتى. 2024 – جىلى شينجياڭ كەن شارۋاشىلىعى ۇقىعىنان 558 ىن ساتىپ بەرۋدى ورىنداپ، تاريحتاعى جاڭا دەڭگەيدى جاراتتى. مۇندا، اۆتونوميالى رايون دارەجەلى كەن ۇقىعىن ساتىپ بەرۋ نىسانى 208 بولىپ، سايكەستى مەزگىلدەگىدەن %13 ارتىپ، اۆتونوميالى رايوننىڭ باجى كىرىسىنىڭ %1.8 ارتۋىن جەبەگەن.

قازىر بۇكىل شينجياڭ بويىنشا ورتالىق پەن 13 ولكەدەگى (اۆتونوميالى رايون، توتە قاراستى قالا) 286 بارلاۋشى ورىن مەن كەن شارۋاشىلىعى كاسىپورنىنداعى 15 مىڭنان استام ادام كەن بارلاۋ قىزمەتىن ورىستەتۋدە، ”كەن ىزدەۋ ءىرى شايقاسى“ سىندى اۋقىم قالىپتاسىپ بولعان، ءبىر توپ ستراتەگيالىق سيپاتتاعى ابزالدىلىققا يە كەن بارلاۋ – اشۋ زاپاس وڭىرلەرى مەن ستراتەگيالىق ۇلاستىرۋ وڭىرلەرى قازىر جەدەل قالىپتاستىرىلۋدا.

كەن شارۋاشىلىعى ۇقىعىن باسەكەلىك سيپاتتى ساتىپ بەرۋ ءتۇزىمىنىڭ ىشكەرىلەي ىلگەرىلەتىلۋىنە بايلانىستى، تەك قانا شينجياڭداعى اسقار تاۋلار مەن ويپاتتاردا تەرەڭگە جاسىرىنعان ابزالدىلىققا يە كەن بايلىعىن كاسىپ سالاسىنداعىلاردىڭ قايتادان تانۋىنا شارت – جاعداي جاراتىلىپ قالماستان، كاسىپورىنداردىڭ شينجياڭدا بۇرىلىس جاساپ دامۋى مەن كاسىپ سالاسى تىزبەگىن تولىقتاۋىنا، كەڭەيتۋىنە، كۇشەيتۋىنە سيرەك كەزدەسەتىن وراي ازىرلەندى.