بالالارعا ارنالعان ءۇش تۇردەگى بۇيىمدار مەن ويىنشىقتاردا حاۋىپ – قاتەر ساقتالعان 

جۇمىسشىلار گازەتىنىڭ ءتىلشىسى جياڭ حان حابارلايدى. جۇڭگو تۇتىنۋ بۇيىمدارىنىڭ ساپالىق حاۋىپسىزدىگىن ىلگەرىلەتۋ قوعامى مەن ەلىمىزدەگى ويىنشىق جانە ۇيرەنۋ بۇيىمدارى سالاسىنداعى بەدەلدى ساپا تەكسەرۋشى قۇرىلىم — گۋاڭدۇڭ گۋاڭجوۋ كەدەنىنىڭ تەحنيكالىق ورتالىعى ساۋساقپەن سۋرەت سىزۋعا ارنالعان بوياۋلار، عىلىمي وقۋ - اعارتۋ تاجىريبەسىنە ارنالعان جەلىلەس ويىنشىقتار جانە ىتقىمالى ويىنشىقتار قاتارلى بالالارعا ارنالعان ءۇش ءتۇرلى بۇيىمدار مەن ويىنشىقتاردىڭ ساپالىق حاۋىپسىزدىگىندە ساقتالىپ وتىرعان حاۋىپ – قاتەرلەرگە نازاردى شوعىرلاندىرىپ، جۋىردا بالالارعا ارنالعان بۇيىمدار مەن ويىنشىقتاردىڭ ساپالىق حاۋىپسىزدىگىندە ساقتالعان حاۋىپ – قاتەرلەر تۋرالى ساقتىق جونىندەگى جانە تۇتىنۋ جونىندەگى ەسكەرتۋىن جاريالاعان.

ساۋساقپەن سۋرەت سىزۋعا ارنالعان بوياۋلار دەگەنىمىز بالالاردىڭ تىكەلەي الاقانىمەن نەمەسە ساۋساعىمەن باسقا زاتتاردىڭ بەتىنە جاعۋىنا ارنالعان ساز بالشىق نەمەسە قويمالجىڭ فورماسىنداعى بوياۋ ماتەريالدارىن كورسەتەدى، ونىڭ باستى قۇرامى بوياۋ، تولتىرعىش، دىمقىلدىق ساقتاعىش، جابىستىرعىش، شىىرۋدەن ساقتاعىش جانە بەتتىك اكتيۆتەندىرگىش قاتارلىلاردى قامتيدى. تۇتىنۋ جونىندەگى ەسكەرتۋدە ايتىلۋىنشا، ساۋساقپەن سۋرەت سىزۋعا ارنالعان تولىمسىز بوياۋ ماتەريالدارى تەرى ارقىلى بالانىڭ دەنەسىنە ءوتىپ، دەنساۋلىعىن زاقىمدايدى. تۇتىنۋشىلار بۇيىمنىڭ اتى، وندىرگەن زاۆود اتى جانە ءادىرىسى، اتقارۋ ولشەمى، وندىرگەن ۋاقىتى، كۇشكە يە ۋاقىتى قاتارلى بۇيىم ينفورماتسيالارى تولىق جازىلعان بۇيىمداردى العانى ءجون، وتە – موتە، ساۋساقپەن سۋرەت سىزۋعا ارنالعان بوياۋلاردى تاڭداعاندا تىتىركەندىرەتىن ءيىسى جوق، وڭاي جۋىلاتىن بوياۋلاردى تاڭداۋ ارقىلى ودان قالعان قالدىقتىڭ بالانىڭ دەنساۋلىعىنا ىقپال جاساۋىنان ساقتانۋعا بولادى.

عىلىمي وقۋ – اعارتۋ تاجىريبەسىنە ارنالعان جەلىلەس ويىنشىقتاردىڭ ساپالىق حاۋىپسىزدىگىندە ساقتالعان كومەسكى حاۋىپ – قاتەرلەر: بۇيىمنىڭ (قورابىن قامتيدى) حيميالىق قۇرامىن انىق جازباۋ، بۇيىمنىڭ قۇرامىندا ولشەمگە ساي قامداۋعا رۇقسات بەرىلمەيتىن ءتۇستى ءتاتتى قاتارلىلار بار بولۋ، قورابى مەن تۇسىندىرمەسىندە قاجەتتى حاۋىپ – قاتەر ەسكەرتۋى، ساقتىق ەسكەرتۋى جازىلماۋ. تۇتىنۋ ەسكەرتۋىندە، بۇل زاتتارمەن ويناۋ بارىسىندا تالاپقا ساي قولعاپ، كوز قورعاۋ كوز اينەگى قاتارلى ساقتانۋ اسپاپتارىن تاعۋ، ويناۋ بارىسىندا حيميالىق زاتتاردىڭ كوز بەن اۋىزعا جۋىسۋىنان ساقتانۋ، ويناپ بولعان سوڭ دەر كەزىندە قولدى جۋۋ، ازىقتىقتاردى جانە كوزدى تىكەلەي ۇستاماۋ، قالدىق زياندى زاتتاردىڭ دەنەگە سىڭۋىنەن ساقتانۋ كەرەك ەكەندىگى جونىندە ۇسىنىس بەرىلگەن.

ىتقىمالى ويىنشىقتار دەگەنىمىز 14 جاستان تومەنگى بالالارعا ارنالعان، ەنەرگيا ساقتاي الاتىن جانە شىعارا الاتىن قۇرىلىمدار نەمەسە بالالار بەرگەن ەنەرگيا ارقىلى زاتتى ىتقىتىپ، ىتقىعان زات كوكتە ەركىن ۇشا الاتىن ويىنشىقتاردى كورسەتەدى. تۇتىنۋ جونىندەگى ەسكەرتۋدە مىناداي ۇسىنىس بەرىلگەن: مۇنداي زاتتاردى ساتىپ العان كەزدە بۇيىمنىڭ قورابىنا مەملەكەتتىك ءماجبۇرلى سيپاتتاعى بۇيىمدى كۋالاندىرۋ بەلگىسى سانالاتىن ”CCC“ بەلگىسى سالىنعان – سالىنباعانىنا قاراۋ كەرەك. بۇيىمنىڭ قورابىن اشىپ، ىتقىمالى زاتتىڭ ۇشىنىڭ جەتكىلىكتى دارەجەدە سەرپىمدى ەكەنىنە كوز جەتكىزگەن ءجون. ەگەر ىتقىمالى زاتتى الاقانعا اتىپ كورگەن كەزدە ەداۋىر اۋىرسا، وندا ونى ساتىپ الۋدى تولىق ويلاستىرعانىڭىز ءجون.

كەلۋ قاينارى: حالىق تورابى