ساۋدا ارابياسى قاتارلى ءتورت مەملەكەتكە ۆيزا تالاپ ەتپەۋ ساياساتى سىناق رەتىندە اتقارىلادى 

5 – ايدىڭ 28 – كۇنى، سىرتقى ىستەر مينيسترلىگىنىڭ مالىمدەمەشىسى ماۋ نيڭ كەزەكتى تىلشىلەردى قابىلداۋ ءماجىلىسىن باسقارىپ اشتى. ءبىر ءتىلشى بىلاي دەپ سۇرادى: جۇڭگو جاقتىڭ شىعىس ازيا ەلدەرى بىرلەستىگى – جۇڭگو – شىعاناق اراب ەلدەرى سەلبەستىك كوميتەتى باسشىلار ءماجىلىسى مەزگىلىندە ساۋد ارابياسى قاتارلى 4 مەملەكەتكە ۆيزا تالاپ ەتپەۋ ساياساتىن سىناق رەتىندە اتقارۋدى جاريالاعانىنا نازار اۋداردىق، مالىمدەمەشىنىڭ قاتىستى جاعدايلاردى تانىستىرۋىنا بولا ما؟

بۇل جونىندە ماۋ نيڭ مىنانى ءبىلدىردى: جۇڭگولىقتار مەن شەتەلدىكتەردىڭ بارىس – كەلىسىنە اناعۇرلىم قولايلىق جاراتۋ ءۇشىن، جۇڭگو جاق ۆيزا تالاپ ەتپەيتىن مەملەكەتتەردىڭ كولەمىن كەڭەيتۋدى ماقۇلدادى، 2025 – جىلى 6 – ايدىڭ 9 – كۇنىنەن 2026 – جىلى 6 – ايدىڭ 8 – كۇنىنە دەيىن، ساۋد ارابياسى، ومان، كۆەيت، باحرەين ەلدەرىنىڭ جاي پاسپورتى بار ازاماتتارىنان ۆيزا تالاپ ەتپەۋ ساياساتى سىناق رەتىندە اتقارىلادى، اتالعان ءتورت ەلدىڭ جاي پاسپورتى بار ازاماتتارى جۇڭگوعا ساۋدامەن شۇعىلدانۋ ءۇشىن، تۋىسشىلاۋ ءۇشىن، اۋىس – كۇيىس جاساۋ ءۇشىن، ساپارلاۋ ءۇشىن كەلەتىن بولسا، شەكارادان وتكەن ۋاقىتى 30 كۇننەن اسىپ كەتپەسە، ولاردان شەكارادان كىرگەندە ۆيزا تالاپ ەتپەۋگە بولادى. بۇعان 2018 – جىلى ءوزارا ۆيزا تالاپ ەتپەۋ ساياساتىن جاپپاي اتقارعان شىعاناق اراب ەلدەرى سەلبەستىك كوميتەتىنىڭ مۇشەلەرى اراب بىرىككەن امىرلىگى مەن كاتاردى قوسقاندا، جۇڭگو جاقتىڭ شىعاناق اراب ەلدەرى سەلبەستىك كوميتەتىندەگى مەملەكەتتەرگە باعىتتالعان ۆيزا تالاپ ەتپەۋ ساياساتى تولىق قامتۋدى جۇزەگە اسىرعان.

ول: ”ءبىز شىعاناق اراب ەلدەرى سەلبەستىك كوميتەتىنە مۇشە ەلدەردەن اناعۇرلىم كوپ دوستاردىڭ جۇڭگوعا ساپارلاي كەلۋىن قارسى الامىز“ دەدى.

كەلۋ قاينارى: حالىق تورابى