شينجياڭدا ءبىر جەر سۋىق اعىستان ساقتانۋدىڭ ساقتىق سيگنالىن جاريالادى

شينجياڭ گازەتىنىڭ 5 – ايدىڭ 26 – كۇنى بەرگەن حابارى. سۋىق اعىستان ساقتانۋدىڭ ساقتىق سيگنالى جاريالاندى! التاي ايماعىنىڭ ءىشىنارا جەرلەرىنىڭ ەڭ تومەن تەمپەراتۋراسى نولدەن تومەن 7 دە نولدەن تومەن 1 گە دەيىن تومەندەپ، تەمپەراتۋرانىڭ تومەندەۋ مولشەرى 10 سەلتسي گرادۋستان اسادى.

جۇڭگو اۋا رايى تورابىنىڭ ساقتىق ينفورماتسياسىنا قاراعاندا، 5 – ايدىڭ 26 - كۇنى تۇستەن كەيىن التاي ايماقتىق اۋا رايى ستانسياسى مەن التاي قالالىق اۋا رايى ستانسياسى ىلگەرىندى - كەيىندى سۋىق اعىستان ساقتانۋدىڭ كوك ءتۇستى ساقتىق سيگنالىن جاريالاعان.

ساقتىق سيگنالىندا كورسەتىلۋىنشە، الداعى 48 ساعاتتا التاي ايماعىنىڭ تاۋ سىلەمدەرى مەن تاۋلى وڭىرلەرىنىڭ ەڭ تومەن تەمپەراتۋراسى 10 سەلتسي گرادۋستان كوپ تومەندەيدى؛ 5 – ايدىڭ 28 - كۇنى تاڭەرتەڭ قابا اۋدانىنىڭ تەرەكتى اۋىلى، بولباداي جايلاۋى، بۋىرشىن اۋدانىنىڭ قالتون جايلاۋى، شۇڭقىر قالاشىعى، التاي قالاسىنىڭ جىكبەلەڭ، لاستى اۋىلى، قاندىعاتى اۋىلى، بۋرىلتوعاي اۋدانىنىڭ ساربۇلاق ءوڭىرى، كوكتوعاي اۋدانىنىڭ موڭكە تەمىر كەنى، كۇرتى اۋىلى، تەمەكى اۋىلى، كوكتوعاي قالاشىعى، كوكتوعاي كورىنىس رايونى، تۇرعىن اۋىلى جانە شىڭگىل اۋدانىنىڭ باسىم كوپ بولەگىنىڭ ەڭ تومەن تەمپەراتۋراسى نولدەن تومەن 1 دە 3 سەلتسي گرادۋسقا تۇسەدى. قابا اۋدانىنىڭ ۇلكەن ساز، نارىن جايلاۋى، بۋىرشىن اۋدانى تاس ءۇي اۋماعىنىڭ سولتۇستىك ءوڭىرى، جەمەنەي اۋدانىنىڭ ساۋىر تاۋلى ءوڭىرى، التاي قالاسىنىڭ تورعايتى جايلاۋى، ۇلكەن قىران، جىڭىشكە قىران، ۋشىلىك، بۋرىلتوعاي جايلاۋى، قىزىلتاۋ شەكارا وتكەلى، كوكتوعاي اۋدانى مەن شىڭگىل اۋدانىنىڭ سولتۇستىگىندەگى تاۋلى وڭىرلەردە نولدەن تومەن 7 دە 1 سەلتسي گرادۋسقا دەيىن تۇسەدى.

شينجياڭ اۋا رايى ستانسياسىنىڭ مالىمەتىنە قاراعاندا، 5 - ايدىڭ 26 – كۇنى كۇندىزدەن 28 –كۇنى تۇنگە دەيىن، بۇكىل شينجياڭنىڭ كوپ بولەگىندە جاۋىن ـ شاشىن بولادى. مۇنىڭ ىشىندە سولتۇستىك شينجياڭنىڭ باتىس سولتۇستىك بولەگىندە، تيانشان تاۋلى رايونىندا جانە سولتۇستىك بەتكەيىندە، وڭتۇستىك شينجياڭنىڭ باتىس بولەگىندەگى تاۋلى رايونداردا، اقسۋ ايماعىنىڭ تاۋلى رايوندارىندا، قۇمىل قالاسىنىڭ سولتۇستىك بولەگىندەگى تاۋلى رايونداردا ورتاشادان باستاپ قالىڭ جاڭبىر جاۋادى، ىلە اڭعارىنداعى تاۋلى رايونداردا، بۇراتالا وبلىسىنىڭ تاۋلى رايوندارىندا، تارباعاتاي ايماعىنىڭ تاۋلى رايونىندا، التاي ايماعىنىڭ تاۋلى رايوندارىندا جانە سانجى وبلىسىنىڭ تاۋلى رايوندارىندا نوسەر جاۋادى، ىلە اڭعارىنىڭ شىعىس بولەگىندەگى تاۋلى رايونداردىڭ ءىشىنارا جەرلەرىندە نوسەر جاۋادى، جوعارىدا ايتىلعان وڭىرلەردە قىسقا ۋاقىتتىق كۇشتى جاۋىن - شاشىن، ناجاعايلى بوران، بۇرشاق سياقتى كۇشتى كونۆەكسيالىق اۋا رايىنىڭ تۋىلۋ مۇمكىندىگى ءبىرشاما زور. سولتۇستىك شينجياڭنىڭ باسىم كوپ بولەگى مەن قۇمىل قالاسىنىڭ ەڭ تومەن تەمپەراتۋراسى 8 سەلتسي گرادۋس اينالاسىندا تومەندەيدى.

شينجياڭ اۋا رايى دوۋين تەكشەسىنىڭ ەڭ جاڭا مالىمەتىنە قاراعاندا، ورتالىق قالا ۇرىمجىدە سەيسەنبى كۇنى تاڭەرتەڭنەن كەشكە دەيىن جاڭبىر جاۋادى، باسىم كوپ ساندىسى ورتاشا جاڭبىر بولادى، وڭتۇستىك قالا ماڭى مەن تاۋلى رايونداردا قالىڭ جاڭبىر جاۋادى، تاۋلى رايونداردىڭ ءىشىنارا جەرلەرىندە نوسەر جاۋادى، ءارقايسى رايون، اۋدانداردىڭ تەمپەراتۋراسى 5 سەلتسي گرادۋس اينالاسىندا تومەندەيدى.

كەلۋ قاينارى: حالىق تورابى