مەملەكەتتىك تەمەكىنى ارناۋلى ساتۋ مەكەمەسى پارتگرۋپپاسىنىڭ بۇرىنعى شۋجيى، مەكەمە باستىعى ليڭ چىڭشيڭنىڭ پارا الۋ، مەملەكەت مەنشىگىندەگى سەرىكتەستىك قىزمەتكەرلەرىنىڭ قىزمەت ۇقىعىنان الباتى پايدالانۋ دەلوسى جونىندە ءبىرىنشى سوتتا ۇكىم جاريالادى

شينحۋا اگەنتتىگىنىڭ 5 ـ ايدىڭ 21 ـ كۇنى چاڭچۇننەن بەرگەن حابارى. 2025 ـ جىلى 5 ـ ايدىڭ 21 ـ كۇنى جيلين ولكەسى چاڭچۇن قالالىق ورتا دارەجەلى حالىق سوت مەكەمەسى ءبىرىنشى سوتتا ونەركاسىپ جانە ينفورماتسيالاندىرۋ مينيسترلىگى پارتگرۋپپاسىنىڭ بۇرىنعى مۇشەسى، مەملەكەتتىك تەمەكىنى ارناۋلى ساتۋ مەكەمەسى پارتگرۋپپاسىنىڭ بۇرىنعى شۋجيى، مەكەمە باستىعى، جۇڭگو تەمەكى باس سەرىكتەستىگىنىڭ بۇرىنعى باس مەڭگەرۋشىسى ليڭ چىڭشيڭنىڭ پارا الۋ، مەملەكەت مەنشىگىندەگى سەرىكتەستىك قىزمەتكەرىنىڭ قىزمەت ۇقىعىنان بەتالدى پايدالانۋ دەلوسىنا اشىق ۇكىم شىعاردى، ايىپكەر ليڭ چىڭشيڭ پارا الۋ قىلمىسى بويىنشا 13 جىلدىق مەرزىمدى قاماۋ جازاسىنا ۇكىم ەتىلدى، وعان قوسا 4 ميلليون يۋان اقشالاي ايىپ سالىندى، مەملەكەت مەنشىگىندەگى سەرىكتەستىك قىزمەتكەرىنىڭ قىزمەت ۇقىعىنان الباتى پايدالانۋ قىلمىسى بويىنشا 5 جىلدىق مەرزىمدى قاماۋ جازاسىنا ۇكىم ەتىلىپ، 16 جىلدىق مەرزىمدى قاماق جازاسى اتقارىلدى، وعان قوسا 4 ميلليون يۋان اقشالاي ايىپ سالىندى؛ دەلوعا ساياتىن ليڭ چىڭشيڭنىڭ پارا الۋ قىلمىسىمەن تاپقان مال - مۇلكى مەن ءوسىمى زاڭ بويىنشا مەملەكەت قازىناسىنا تاپسىرىلادى، جەتپەگەن بولەگى جالعاستى قۋزاپ قايتارىپ الىنادى.

تەكسەرۋ ارقىلى مىنالار انىقتالدى: 2006 - جىلدان 2023 - جىلعا دەيىن ايىپكەر ليڭ چىڭشيڭ جياڭشي ولكەلىك پارتكومنىڭ تۇراقتى مۇشەسى، ورىنباسار ولكە باستىعى، مەملەكەتتىك تەمەكىنى ارناۋلى ساتۋ مەكەمەسى پارتگرۋپپاسىنىڭ شۋجيى، مەكەمە باستىعى، جۇڭگو تەمەكى باس سەرىكتەستىگىنىڭ باس مەڭگەرۋشىسى قاتارلى قىزمەت قولايلىلىعىنان پايدالانىپ، قاتىستى ورىندار مەن جەكەلەردىڭ نىساندى كوتەرمەگە الۋ، كاسىپورىن تيجاراتى قاتارلى ىستەرىنە كومەك كورسەتكەن، زاڭسىز قابىلداعان مال - مۇلكى حالىق اقشاسىنا سىندىرعاندا 43 ميلليون 110 مىڭ يۋاننان اسقان. 2015 ـ جىلدان بەرى، ليڭ چىڭشيڭ مەملەكەتتىك تەمەكىنى ارناۋلى ساتۋ مەكەمەسى پارتگرۋپپاسىنىڭ شۋجيى، مەكەمە باستىعى، جۇڭگو تەمەكى باس سەرىكتەستىگىنىڭ باس مەڭگەرۋشىسى بولعان كەزدە، قارجى قوسۋدى جەبەۋ، قارجى قوسۋدى، بىرىكتىرىپ ساتىپ الۋدى، جارنا ۇقىعىن ساتۋدى قاراۋ بارىسىندا بەتكە قاراپ قارالىق ىستەپ، قىزمەت ۇقىعىنان بەتالدى پايدالانىپ، مەملەكەت مەنشىگىندەگى مال ـ مۇلىككە 208 ميلليون يۋاننان استام زيان جەتكىزگەن.

چاڭچۇن قالالىق ورتا دارەجەلى حالىق سوت مەكەمەسى بىلاي دەپ قارادى: ايىپكەر ليڭ چىڭشيڭنىڭ ارەكەتى پارا الۋ قىلمىسىنا، مەملەكەت مەنشىگىندەگى سەرىكتەستىك قىزمەتكەرىنىڭ قىزمەت ۇقىعىنان الباتى پايدالانۋ قىلمىسىنا جاتادى، ونىڭ العان پارا سوماسى ەرەكشە كوپ، مەملەكەت مەنشىگىندەگى سەرىكتەستىك قىزمەتكەرى رەتىندە قىزمەت ۇقىعىنان بەتالدى پايدالانىپ، بەتكە قاراپ قارالىق ىستەپ، مەملەكەتتىڭ مۇددەسىن ەرەكشە اۋىر زيانعا ۇشىراتقان، زاڭ بويىنشا جازالاۋ ءارى قىلمىستارىن قوسىپ جازالاۋ كەرەك. ونىڭ پارا الۋ قىلمىسىندا ماقساتىنا جەتە الماۋ جاعدايى بار؛ دەلوعا الىنعاننان كەيىن ءوزىنىڭ قىلمىسىن قاز - قالپىندا مويىنداپ، دەلونى ءبىر جاقتى ەتۋ ورگانى ءالى يگەرمەگەن مەملەكەت مەنشىگىندەگى سەرىكتەستىك قىزمەتكەرىنىڭ قىزمەت ۇقىعىنان بەتالدى پايدالانۋ قىلمىس فاكتىلەرى مەن ءبىر ءبولىم پارا الۋ قىلمىس فاكتىلەرىن ىرىقتىلىقپەن مويىنداعان، ونىڭ مەملەكەت مەنشىگىندەگى سەرىكتەستىك قىزمەتكەرىنىڭ قىزمەت ۇقىعىنان بەتالدى پايدالانۋ قىلمىسىندا ءوزىن مالىمدەگەن؛ قىلمىسىن تانىپ، وكىنگەن، زاڭسىز ولجانى بەلسەنە قايتارعان، پارا الۋدان تاپقان زاڭسىز ولجانى قايتارىپ العان جاعدايلارىنا ساي زاڭ بويىنشا جەڭىل جازالاۋعا بولادى. سوت جوعارىداعى ۇكىمدى شىعاردى.

كەلۋ قاينارى: حالىق تورابى