حيلۇڭجياڭ ولكەلىك پارتكومنىڭ بۇرىنعى تۇراقتى مۇشەسى، ولكەلىك ۇكىمەت پارتگرۋپپاسىنىڭ بۇرىنعى ورىنباسار شۋجيى، بۇرىنعى ورىنباسار ولكە باستىعى ۋاڭ يشيننىڭ پارا الۋ دەلوسىنا ءبىرىنشى سوتتا ۇكىم جاريالادى

5 – ايدىڭ 16 – كۇنى، شاندۇڭ ولكەسى حىزى قالالىق ورتا دارەجەلى حالىق سوت مەكەمەسى ءبىرىنشى سوتتا حيلۇڭجياڭ ولكەلىك پارتكومنىڭ بۇرىنعى تۇراقتى مۇشەسى، ولكەلىك ۇكىمەت پارتگرۋپپاسىنىڭ بۇرىنعى ورىنباسار شۋجيى، ورىنباسار ولكە باستىعى ۋاڭ يشيننىڭ پارا الۋ دەلوسىنا اشىق ۇكىم شىعارىپ، ايىپكەر ۋاڭ شينيدى پارا الۋ قىلمىسى بويىنشا مەرزىمسىز قاماۋ جازاسىنا ۇكىم ەتىپ، ساياسي ۇقىعىنان ومىرلىك ماحۇرىم ەتتى، وعان قوسا بارلىق جەكەلىك مال – مۇلكىن ءمۇسادىرالادى؛ دەلوعا الىنعان ۋاڭ يشيننىڭ قىلمىس ارقىلى تاپقان مال - مۇلكى مەن ءوسىمى زاڭ بويىنشا مەملەكەت قازىناسىنا تاپسىرىلادى، جەتپەگەن بولەگى جالعاستى قۋزاپ قايتارىپ الىنادى.

تەكسەرۋ ارقىلى مىنالار انىقتالدى: 2008 – جىلى 7 - ايدان 2020 – جىلى 10 – ايعا دەيىن ايىپكەر ۋاڭ يشين حاينان ولكەلىك تىڭ يگەرۋ باس مەكەمەسى پارتكومىنىڭ ورىنباسار شۋجيى، مەكەمە باستىعى، پارتكوم شۋجيى، حاينان ولكەلىك تىڭ يگەرۋ باس سەرىكتەستىگى پارتكومىنىڭ ورىنباسار شۋجيى، باس مەڭگەرۋشىسى، حاينان ولكەلىك اۋىل شارۋاشىلىق تىڭ يگەرۋ توبى شەكتى سەرىكتەستىگى پارتكومىنىڭ شۋجيى، باس جوراسى، سانشي ولكەلىك ۇكىمەت پارتگرۋپپاسىنىڭ مۇشەسى، ورىنباسار ولكە باستىعى قاتارلى قىزمەت قولايلىلىعىنان پايدالانىپ، قاتىستى ورىندار مەن جەكەلەرگە كاسىپتىك كوتەرمەگە الۋ، جەر اشۋ، قىزمەت مىندەتىن ءوسىرۋ قاتارلى جاقتاردا كومەك كورسەتىپ، زاڭسىز العان مال - مۇلكى حالىق اقشاسىنا سىندىرعاندا 129 ميلليون يۋاننان اسقان.

حىزى قالالىق ورتا دارەجەلى حالىق سوت مەكەمەسى ايىپكەر ۋاڭ يشيننىڭ ارەكەتى پارا الۋ قىلمىسىنا جاتادى دەپ قارايدى. ۋاڭ يشيننىڭ پاراعا العان سوماسى ەرەكشە كوپ ءارى مەملەكەت پەن حالىقتىڭ مۇددەسىن ەرەكشە اۋىر زيانعا ۇشىراتقان، ونى زاڭ بويىنشا جازالاۋ كەرەك. ونىڭ ەلەۋلى ەڭبەك كورسەتۋ بەينەسى بولعاندىقتان، دەلوعا الىنعاننان كەيىن قىلمىسىن قاز - قالپىندا مويىنداپ، دەلو ءبىر جاقتى ەتۋ ورگانى ءالى يگەرمەگەن باسىم كوپ ساندى پارا الۋ فاكتتەرىن ىرىقتىلىقپەن تاپسىرىپ، قىلمىسىن تانىپ، وكىنگەندىكتەن، ارام ولجانى بەلسەنە قايتارعاندىقتان، دەلوعا قاتىستى ارام اقشا مەن ارام زاتتىڭ كوبىن قايتارىپ العاندىقتان، زاڭ بويىنشا وعان جەڭىل جازا بەرۋگە بولادى. سوت جوعارىداعى ۇكىمدى شىعاردى.

كەلۋ قاينارى: حالىق تورابى