شينجياڭنان 6 ادام، 5 كوللەكتيۆ مەملەكەتتىك ءوزىن الۋەتتەندىرۋ ۇلگىسى جانە مۇگەدەكتەرگە كومەكتەسۋدەگى وزات بولىپ ماداقتالىپ ـ سيلاندى

انار بۇلت \ شينجياڭ گازەتىنىڭ ۇرىمجىدەن بەرگەن حابارى. 5 ـ ايدىڭ 16 ـ كۇنى 7 ـ رەتكى مەملەكەتتىك ءوزىن الۋەتتەندىرۋ ۇلگىلەرىن جانە مۇگەدەكتەرگە كومەكتەسۋ وزاتتارىن ماداقتاۋ ـ سيلاۋ جينالىسى بەيجيڭدە اشىلدى، جيىنى 200 ”مەملەكەتتىك ءوزىن الۋەتتەندىرۋ ۇلگىسى“، 200 ”مەملەكەتتىك مۇگەدەكتەر قىزمەتى وزات كوللەكتيۆى“ جانە 60 ”مەملەكەتتىك مۇگەدەكتەر قىزمەتىندەگى وزات جەكە“ ماداقتالىپ ـ سيلاندى. شينجياڭ ۇيعۇر اۆتونوميالى رايونىنان 5 ادام ”مەملەكەتتىك ءوزىن الۋەتتەندىرۋ ۇلگىسى“ بولىپ باعالاندى، 5 كوللەكتيۆ ”مەملەكەتتىك مۇگەدەكتەر قىزمەتىندەگى وزات كوللەكتيۆ“ بولىپ باعالاندى، ءبىر ادام ”مەملەكەتتىك مۇگەدەكتەر قىزمەتىندەگى وزات جەكە“ بولىپ باعالاندى.

جاڭا داۋىردە ەلىمىزدىڭ مۇگەدەكتەر ءىسىنىڭ دامۋىندا قول جەتكىزگەن كورنەكتى تابىستارىن شوعىرلى ايگىلەپ، تەرەزەسى تەڭ بولۋ، توعىسۋ، بىرگە يگىلىكتەنۋ قۇن ۇستانىمىن كەڭىنەن اسقاقتاتىپ، داڭقتىڭ، ماداقتاپ ـ سيلاۋدىڭ رۋحاني جەتەكشىلىگى مەن تيپتىك ۇلگىلەردىڭ ونەگەلىك رولىن تولىق ساۋلەلەندىرىپ، مۇگەدەكتەردى ءوزىن قۇرمەتتەۋگە، وزىنە سەنۋگە، ءوزىن الۋەتتەندىرۋگە، ءوز كۇشىنە سۇيەنىپ ءومىر سۇرۋگە ونان ارى ىنتالاندىرىپ، مۇگەدەكتەردىڭ حال ـ جايىن تۇسىنەتىن، ولارعا قۇرمەت ەتەتىن، كوڭىل بولەتىن، كومەكتەسەتىن تاماشا قوعامدىق سالت قالىپتاستىرۋ ءۇشىن، مەملەكەتتىك كەڭەس مۇگەدەكتەر قىزمەتى كوميتەتى، ادام كۇشى بايلىعى جانە قوعامدىق قامتاماسىزداندىرۋ مينيسترلىگى، جۇڭگو مۇگەدەكتەر بىرلەستىگى 7 ـ رەتكى مەملەكەتتىك ءوزىن الۋەتتەندىرۋ ۇلگىلەرىن جانە مۇگەدەكتەرگە كومەكتەسۋ بويىنشا وزاتتاردى باعالاۋ، ماداقتاپ ـ سيلاۋ قيمىلىن ورنالاستىرىپ ورىستەتتى.

وسى رەتكى ماداقتاپ ـ سيلاۋ قيمىلىندا شينجياڭنان بۋ يۇنشيۋ، چىن ليفىڭ، لۇي جىڭباۋ، اياتقان بەكتۇر، شاۋكەت تىلەبالدى قاتارلى 5 ادام ”مەملەكەتتىك ءوزىن الۋەتتەندىرۋ ۇلگىسى“ اتاعىنا؛ شينجياڭ دۇڭفاڭ جينشىڭ شارۋاشىلىق توبى شەكتى سەرىكتەستىگى، قۇمىل جۇڭلي بەتون فۋلي شەكتى جاۋاپكەرشىلىك سەرىكتەستىگى، قۇتىبي اۋدانى ياڭگۋاڭ ساييىن شەكتى سەرىكتەستىگى، ياركەن اۋداندىق مۇگەدەكتەر بىرلەستىگى، كوكتوعاي اۋداندىق مۇگەدەكتەر بىرلەستىگى سىندى 5 كوللەكتيۆ ”مەملەكەتتىك مۇگەدەكتەر قىزمەتىندەگى وزات كوللەكتيۆ“ اتاعىنا؛ ما لي ”مەملەكەتتىك مۇگەدەكتەر قىزمەتىندەگى وزات جەكە“ اتاعىنا يە بولدى.