جۇڭگو مەن وزبەكستاننىڭ ءوزارا ۆيزاسىز ءوتۋ كەلىسىمى كۇشىنە ەنبەكشى

سىرتقى ىستەر مينيسترلىگى كونسۋل مەڭگەرمەسىنىڭ حابارىنا قاراعاندا، جۇڭحۋا حالىق رەسپۋبليكاسى ۇكىمەتى مەن وزبەكستان رەسپۋبليكاسى ۇكىمەتىنىڭ ءوزارا ۆيزاسىز ءوتۋ جونىندەگى كەلىسىمى 2025 – جىلى 6 – ايدىڭ 1 – كۇنىنەن باستاپ كۇشىنە ەنەدى. كەلىسىمگە ساي، جۇڭگونىڭ كۇشكە يە ۇكىمەت ىستەرى پاسپورتى، ۇكىمەت ىستەرى جاي پاسپورتى جانە جاي پاسپورتى بار ادامدارى مەن وزبەكستاننىڭ جاي پاسپورتى بار ادامدارى شارت جاساسقان ەندى ءبىر جاقتىڭ شەكاراسىنان كىرگەندە، شەكارادان شىققاندا نەمەسە شەكارادان وتكەندە، ءبىر رەتتەگى تۇراتىن ۋاقىتى 30 كۇننەن اسپاسا، ءار 180 كۇندە تۇرعان ۋاقىتى جيىنى 90 كۇننەن اسپاسا، ۆيزا اشتىرۋىنىڭ قاجەتى جوق.

ەگەر شارتتاسۋشى تاعى ءبىر جاقتىڭ شەكاراسى ىشىندە ءبىر رەتتە 30 كۇننەن ارتىق تۇرسا نەمەسە شارتتاسۋشى تاعى ءبىر جاقتىڭ شەكاراسى ىشىندە قونىستانۋعا تۋرا كەلسە، قىزمەت، ۇيرەنۋ، اقپاراتتىق حابارلاۋ قاتارلى شارتتاسۋشى ەندى ءبىر جاقتىڭ باسقارۋشى تاراۋىنىڭ الدىن الا بەكىتۋىنەن وتكىزۋگە ءتيىستى قيمىلدارمەن شۇعىلدانۋعا تۋرا كەلسە، شەكارادان كىرىپ - شىعاتىن تاعى ءبىر جاقتان سايكەستى ۆيزاسىن ءوتىنىش ەتۋى كەرەك.

كەلۋ قاينارى: حالىق تورابى