ينتەرنەتتەن تىس تاۋاردى سەبەپسىز قايتارۋعا بولاتىن دۇكەندەردى سۇراستىرۋ تەكشەسى ينتەرنەتكە شىعارىلىپ، سىناق رەتىندە ىسكە قوسىلدى

حالىق گازەتىنىڭ ءتىلشىسى چي جىميڭ 5 – ايدىڭ 14 – كۇنى بەيجيڭنەن حابارلايدى. بازاردى باقىلاۋ – باسقارۋ باس مەڭگەرمەسىنىڭ قولداۋى جانە جەتەكشىلىك ەتۋىندە، جۇڭگو تۇتىنۋشىلار بىرلەستىگىنىڭ جاساۋىندا ىسكە قوسىلعان ينتەرنەتتەن تىس تاۋاردى سەبەپسىز قايتارۋعا بولاتىن ساۋدا دۇكەندەرىن سۇراستىرۋ تەكشەسى — ”تۇتىنۋعا قاتىستى ىستەردى سۇراستىرۋ“ (消费查) تەكشەسى ينتەرنەتكە شىعارىلىپ، رەسمي ىسكە قوسىلدى. تۇتىنۋشىلار تابالدىرىقتان اتتاپ شىقپاي – اق، قولايلى، وڭاي، ءبىر بەكەتتىك فورمادا جەر – جەردەگى ينتەرنەتتەن تىس تاۋاردى سەبەپسىز قايتارۋعا بولاتىن ساۋدا دۇكەندەرىنىڭ ينفورماتسياسىن تەكسەرە الادى.

تۇتىنۋشىلاردىڭ ۋيشيندە ”消费查“ دەگەن ءسوزدى ىزدەۋ نەمەسە سايكەستى ەكى ولشەمدى كودتى جايمالاۋ ارقىلى ”消费查“ شاعىن پروگرامماسىنا كىرۋ ارقىلى تىركەلمەستەن سۇراستىرۋىنا بولادى. ”消费查“ شاعىن پروگرامماسىنا ” ينتەرنەتتەن تىس تاۋاردى سەبەپسىز قايتارۋعا بولاتىن ساۋدا دۇكەندەرىن سۇراستىرۋ“ ورنى ورنالاستىرىلعان، تۇتىنۋشىلاردىڭ ءوڭىر، كاسىپورىن اتى، تاۋار ءتۇرى قاتارلىلار بويىنشا ينتەرنەتتەن تىس تاۋاردى سەبەپسىز قايتارۋعا بولاتىن ساۋدا دۇكەندەرىن سۇراستىرۋىنا بولادى. مۇنان سىرت، بۇل تەكشەدە جولجەتەك، تەلەفون سوعۋ، ساۋدا دۇكەنىنىڭ ۋادەسىن ورىنداۋ جاعدايى جونىندە ريزالىق دەڭگەيى بويىنشا باعا بەرۋ قاتارلى يقۋاتتار قوسىلعان.

كەلۋ قاينارى: حالىق تورابى