جۇڭگونىڭ سۋداندا تۇراتىن باس ەلشىحاناسى: جۇڭگو ازاماتتارى تەز ارادا شەگىنىڭدەر

جۇڭگونىڭ سۋداندا تۇراتىن باس ەلشىحاناسى 5 – ايدىڭ 8 - كۇنى حابار جاريالاپ بىلاي دەدى: 5 –ايدىڭ 4 – كۇنىنەن بەرى سۋدانداعى قارۋلى قاقتىعىس شۇعىل اسقىنىپ، سۋدان پورتى قاتارلى جەرلەر ءۇرتىس بىرنەشە كۇن ۇشقىشسىز ۇشاقتىڭ شابۋىلىنا ۇشىراپ، حاۋىپسىزدىك جاعدايى ۇزدىكسىز ناشارلاپ، حاۋىپسىزدىك حاۋىپ ـ قاتەرى كۇرت جوعارىلاپ، سۋ - ەلەكتر، جانار زاتپەن قامداۋ تاپشى بولدى.

قازىر سۋدان پورتى حالىقارالىق اۋەجايىندا ءىشىنارا حالىقارالىق كەزەكشى ۇشاقتار بار، ساۆاكين پورتىندا ساۋد ارابياسىنىڭ جيدا پورتىنا باراتىن جولاۋشىلار كەمەسى بار، ەگيپەتكە باراتىن اشكيت قۇرلىق جولى وتكەلىندە ءالى دە قاتىناۋعا بولادى. جۇڭگونىڭ سۋداندا تۇراتىن ەلشىحاناسى سۋدانداعى جۇڭگو ازاماتتارىنا ءوزىنىڭ حاۋىپسىزدىك ساقتىق شارالارىن جوعارىلاتىپ، توڭىرەكتەگى حاۋىپسىزدىك جاعدايىن ابايلاپ باقىلاۋدى ۇسىنىس ەتتى. ەگەر ەرەكشە قاجەت بولماسا، تەز ارادا ۇيلەسىمدى ءتاسىلدى تاڭداپ سۋداننان شەگىنىپ كەتۋدى ۇسىنىس ەتتى. قولفوننىڭ حابارلاسۋىنىڭ ىركىلىسسىزدىگىن ساقتاڭىز، ەگەر ەرەكشە جاعدايعا تاپ بولساڭىز، دەرەۋ ەلشىحاناعا مالىمدەڭىز.

جۇڭگو سىرتقى ىستەر مينيسترلىگىنىڭ الەمدىك كونسۋلدىق قورعاۋ جانە شۇعىل جاعدايعا توتەپ بەرۋ قىزمەت وتەۋ ىستىق لەنياسى ( 24 ساعات ): +86-10-12308+86-10-65612308

جۇڭگونىڭ سۋداندا تۇراتىن ەلشىحاناسىنىڭ اماندىق ساقتاۋ تەلەفونى: 0119530097 (جەرگىلىكتى سيگنالدىڭ تۇراقسىزدىعىنىڭ ىقپالىنا ۇشىراپ، ۋاقىتشا جالعانباسا، جالعاستى تەلەفون سوعىپ سىناپ كورىڭىز)

كەلۋ قاينارى: حالىق تورابى