پروكۋراتۋرا ورگاندارى گوۋ جۇڭۋىننىڭ پارا الۋ، قىزمەت ۇقىعىنان بەتالدى پايدالانۋ دەلوسىنا زاڭ بويىنشا الەۋمەتتىك ايىپتاۋ ءتۇسىردى

شينحۋا اگەنتتىگىنىڭ 5 – ايدىڭ 7 – كۇنى بەيجيڭنەن بەرگەن حابارى. ءتىلشىنىڭ 5 – ايدىڭ 7 - كۇنى ەڭ جوعارى حالىق پروكۋراتۋراسىنان ۇعىسۋىنشا، 14 ـ كەزەكتى مەملەكەتتىك ساياسي كەڭەستىڭ بۇرىنعى تۇراقتى مۇشەسى، ۇلت جانە ءدىن كوميتەتىنىڭ بۇرىنعى ورىنباسار مەڭگەرۋشىسى گوۋ جۇڭۋىننىڭ پارا الۋ، قىزمەت ۇقىعىنان بەتالدى پايدالانۋ كۇمانى تاعىلعان دەلوسىن مەملەكەتتىك باقىلاۋ ـ تەكسەرۋ كوميتەتى تەكسەرىپ اياقتاتقان، ەڭ جوعارى حالىق پروكۋراتۋراسىنىڭ كورسەتۋىمەن جياڭسۋ ولكەسى يانچىڭ قالالىق حالىق پروكۋراتۋراسى تەكسەرىپ ايىپتاعان. تاياۋدا يانچىڭ قالالىق حالىق پروكۋراتۋراسى يانچىڭ قالالىق ورتا دارەجەلى حالىق سوت مەكەمەسىنە الەۋمەتتىك ايىپتاۋ ءتۇسىردى.

پروكۋراتۋرا ورگانى تەكسەرىپ ايىپتاۋ ساتىسىندا ايىپكەر گوۋ جۇڭۋىننىڭ ارىز - شاعىم ۇقىعىنان يگىلىكتەنەتىندىگىن زاڭ بويىنشا ۇقتىردى ءارى ايىپكەردى سۇراققا تارتىپ، اقتاۋشىنىڭ پىكىرىن تىڭدادى. پروكۋراتۋرا ورگانى بىلاي دەپ ايىپتادى: ايىپكەر گوۋ جۇڭۋىن بەيجيڭ قالالىق ۇكىمەتتىڭ ورىنباسار قالا باستىعى، بەيجيڭ قالالىق پارتكومنىڭ تۇراقتى مۇشەسى، بەيجيڭ قالالىق پارتكومنىڭ ورىنباسار شۋجيى، مەملەكەتتىك دەنە تاربيە باس مەكەمەسى پارتگرۋپپاسىنىڭ شۋجيى، مەكەمە باستىعى قاتارلى قىزمەت قولايلىلىعىنان، سونداي - اق قىزمەت ۇقىعىنان نەمەسە ورنىنان قالىپتاسقان قولايلى شارت - جاعدايدان پايدالانىپ، باسقالارعا پايدا جەتكىزىپ، باسقالاردىڭ مال - مۇلكىن زاڭسىز قابىلداعان، سوماسى ەرەكشە قوماقتى؛ گوۋ جۇڭۋىن مەملەكەت ورگانىنىڭ قىزمەتكەرى بولا تۇرا قىزمەت ۇقىعىنان بەتالدى پايدالانىپ، الەۋمەتتىك مال - مۇلىكتى، مەملەكەت پەن حالىقتىڭ مۇددەسىن اۋىر زيانعا ۇشىراتتى، ءىسى ەرەكشە اۋىر، زاڭ بويىنشا پارا الۋ قىلمىسى، قىزمەت ۇقىعىنان بەتالدى پايدالانۋ قىلمىسى بويىنشا قىلمىستىق ىستەر جاۋاپكەرشىلىگىن قۋزاستىرۋ كەرەك.

كەلۋ قاينارى: حالىق تورابى