سىرتقى ىستەر مينيسترلىگى: ەگەر ا ق ش ماسەلەنى پىكىرلەسۋ، كەلىسسوز وتكىزۋ ارقىلى شەشپەكشى بولسا، قوقانلوقى جاساۋدى، قىسىم ءتۇسىرۋدى توقتاتۋى كەرەك

شينحۋا اگەنتتىگىنىڭ 4 – ايدىڭ 29 – كۇنى بەيجيڭنەن بەرگەن حابارى. سىرتقى ىستەر مينيسترلىگىنىڭ مالىمدەمەشىسى گو جياكۇن 4 – ايدىڭ 29 - كۇنى ا ق ش قازىنا مينيسترىنىڭ كەدەن باجىسى قاقتىعىسىنا قاتىستى سوزدەرى جونىندە تىلشىلەردىڭ سۇراۋىنا جاۋاپ بەردى. سول كۇنگى كەزەكتى تىلشىلەر جينالىسىندا ءبىر ءتىلشى بىلاي دەپ سۇرادى: ا ق ش قازىنا مينيسترى بەيسەنت 4 – ايدىڭ 28 – كۇنى كەدەن باجىسى قاقتىعىسىن باسەڭدەتۋ جۇڭگو جاققا بايلانىستى، ويتكەنى جۇڭگونىڭ ا ق ش ـ قا ەكسپورت ەتۋى ا ق ش ـ تىڭ جۇڭگوعا ەكسپورت ەتۋىنىڭ 5 ەسەسىندەي، سوندىقتان %125 كەدەن باجىسىن الۋ باياندى بولمايدى دەگەندى ايتتى. ءسىز جۇڭگو جاقتىڭ جاعدايدى الدىمەن باسەڭدەتۋگە مىندەتتى ەكەندىگىنە قوسىلاسىز با؟

گو جياكۇن بىلاي دەدى: جۇڭگو كەدەن باجىسى قاقتىعىسىندا، ساۋدا قاقتىعىسىندا جەڭىمپاز جوق دەپ تالاي رەت بايىمدادى. بۇل كەدەن باجىسى قاقتىعىسىن ا ق ش قوزعاعان. ەگەر ا ق ش ماسەلەنى پىكىرلەسۋ، كەلىسسوز وتكىزۋ ارقىلى شەشپەكشى بولسا، قوقانلوقى جاساۋدى، قىسىم ءتۇسىرۋدى توقتاتىپ، تەڭدىك، قۇرمەت ەتۋ، ءوزارا تيىمدىلىك جاساۋ نەگىزىندە جۇڭگومەن پىكىرلەسۋى كەرەك.

كەلۋ قاينارى: حالىق تورابى