جۇڭگو قۇرىلىس بانكەسى پارتكومىنىڭ بۇرىنعى مۇشەسى، ورىنباسار بانكە باستىعى جاڭ گىڭشىڭ تارتىپكە، زاڭعا اۋىر قايشىلىق جاساعاندىقتان پارتيادان ايدالدى

شينحۋا اگەنتتىگىنىڭ 4 – ايدىڭ 23 – كۇنى بەيجيڭنەن بەرگەن حابارى. ج ك پ ورتالىق كوميتەتىنىڭ بەكىتۋىمەن ورتالىق ءتارتىپ تەكسەرۋ كوميتەتى، مەملەكەتتىك باقىلاۋ – تەكسەرۋ كوميتەتى جۇڭگو قۇرىلىس بانكەسى شەكتى جارنا سەرىكتىگى پارتكومىنىڭ بۇرىنعى مۇشەسى، ورىنباسار بانكە باستىعى جاڭ گىڭشىڭنىڭ تارتىپكە، زاڭعا اۋىر قايشىلىق جاساۋ ماسەلەسىنە دەلو تۇرعىزىپ، تەكسەرۋ جۇرگىزدى.

تەكسەرۋ ارقىلى مىنانى انىقتادى: جاڭ گىڭشىڭ مۇرات ـ سەنىمنەن ايرىلىپ، اۋەلگى ماقساتتان، بورىشتان بەزىپ، ۇيىمنىڭ تەكسەرۋىنە قارسى تۇرىپ، سوقىر سەنىم قيمىلىمەن شۇعىلدانعان؛ ورتالىقتىڭ سەگىز ءتۇرلى بەلگىلەمەسىنىڭ رۋحىن ەلەمەي، بەلگىلەمەگە قايشىلىق جاساپ تارتۋ ـ تارالعى، اقشا، تۇتىنۋ كارتوچكاسىن قابىلداعان، ساياحات قيمىلى ورنالاستىرۋى مەن قوناعاسىنى قابىلداعان، ۇكىمەت اقشاسىمەن ءىشىپ ـ جەگەن؛ ۇيىمدىق پرينسيپتى ەلەمەي، بەلگىلەمە بويىنشا جەكە باسىنا قاتىستى ىستەردى مالىمدەمەگەن، جۇمىسشى ـ قىزمەتكەرلەردى قابىلداۋ قىزمەتىندە باسقالارعا پايدا جەتكىزگەن؛ پاكتىكتىڭ شەگىنەن شىعىپ، بەلگىلەمەگە قايشىلىق جاساپ جارناسى بازارعا شىعارىلماعان سەرىكتەستىكتەردىڭ جارناسىنا يە بولىپ، قىزمەت ۇقىعىنان پايدالانىپ تۋىس - تۋعان، دوس - جاراندارىنىڭ تيجارات قيمىلىنا پايدا جەتكىزگەن؛ قارىز اقشاعا سۇيەنىپ، قارىز اقشانى جەپ پارتيا مەن حالىق بەرگەن الەۋمەتتىك ۇقىقتى جەكە مۇددەنى كوزدەيتىن قۇرالعا اينالدىرىپ، ۇقىق - اقشا ساۋداسىمەن بارىنشا شۇعىلدانىپ، قىزمەت قولايلىلىعىنان پايدالانىپ باسقالارعا بانكەنىڭ سەنىمدىلىگى، قارىز اقشانى تەكسەرىپ بەكىتۋى قاتارلى جاقتاردا پايدا جەتكىزگەن، سونداي - اق زاڭسىز تۇردە قوماقتى مال – مۇلىك العان؛ مەملەكەتتىڭ بەلگىلەمەسىنە قايشىلىق جاساپ قارىز اقشا تاراتىپ، ەرەكشە اۋىر زيان تۋدىرعان.

جاڭ گىڭشىڭ پارتيانىڭ ساياسي تارتىبىنە، ۇيىمدىق تارتىبىنە، پاكتىك تارتىبىنە جانە تۇرمىس تارتىبىنە اۋىر قايشىلىق جاساپ، قىزمەت مىندەتىندە زاڭعا اۋىر قايشىلىق جاساعان ءارى پارا الۋ، زاڭعا قايشى قارىز اقشا تاراتۋ قىلمىسىنا شاتىلعان، ونىڭ ۇستىنە پارتيانىڭ 18 - قۇرىلتايىنان كەيىن تيىلماعان، تىزگىنىن تارتپاعان، سيپاتى اۋىر، ىقپالى جيرەنىشتى بولعان، ونى قاتاڭ ءبىر جاقتى ەتۋ كەرەك. «جۇڭگو كوممۋنيستىك پارتياسىنىڭ ءتارتىپ جازاسى ەرەجەسى»، «جۇڭحۋا حالىق رەسپۋبليكاسىنىڭ باقىلاۋ - تەكسەرۋ زاڭى»، «جۇڭحۋا حالىق رەسپۋبليكاسىنىڭ ۇكىمەت قىزمەتكەرلەرىن اكىمشىلىك جاقتان ءبىر جاقتى ەتۋ زاڭى» قاتارلى قاتىستى بەلگىلەمەلەرگە ساي، ورتالىق ءتارتىپ تەكسەرۋ كوميتەتى تۇراقتى كوميتەتىنىڭ ماجىلىسىندە اقىلداسۋ جانە ج ك پ ورتالىق كوميتەتىنىڭ بەكىتۋى ارقىلى جاڭ گىڭشىڭعا پارتيادان ايداۋ جازاسىن بەرۋدى، بەلگىلەمە بويىنشا ونىڭ يگىلىكتەنەتىن مامىلەسىن كۇشىنەن قالدىرۋدى، تارتىپكە، زاڭعا قايشى تابىسىن جيناپ الۋدى ۇيعاردى؛ قىلمىس كۇمانى تاعىلعان ماسەلەسىن پروكۋراتۋرا ورگاندارىنىڭ زاڭ بويىنشا تەكسەرىپ ايىپتاۋىنا وتكىزىپ بەرىپ، ساياتىن مال - مۇلىكتى بىرگە وتكىزىپ بەردى.

كەلۋ قاينارى: حالىق تورابى