رەسمي جاريالاندى! 7 – ايدىڭ 4 – كۇنىنەن 6 – كۇنىنە دەيىن قورعاستا وتكىزىلەدى 

”تارتىمدى ورتا ازيا . ساۋدا ورايى قورعاسقا جينالدى“ اتىنداعى ورتا ازيا (قورعاس) تاۋار ساۋداسى كورمەسى (تومەندە ”كورمە“ دەپ الىنادى) 7 – ايدىڭ 4 – كۇنىنەن 6 – كۇنىنە دەيىن قورعاس قالاسىندا وتكىزىلەدى.

كورمەنى شينجياڭ ازيا – ەۆروپا حالىقارالىق كورمە شەكتى سەرىكتەستىگى ۇيىمداستىرىپ، شەكارا ءىشى - سىرتىنداعى قۇرىلىمدار سايكەسىپ وتكىزەدى. كورمە قارجىلاندىرۋ جاعىنداعى سەلبەستىك، جۇڭگو تاۋارلارى، ورتا ازيا تاۋارلارى سىندى ءۇش ءىرى تاقىرىپتىق كورگىزبە رايونىنا بولىنەدى، توقىما بۇيىمدار جانە كيىم – كەشەك، اۋىل شارۋاشىلىعى ونىمدەرى مەن ازىق – تۇلىك، ماشينا – ەلەكتر جابدىقتارى، شەكارا اتتاعان زات اينالىمى قاتارلى 10 نەشە ءتۇيىندى سالانى قامتيدى. مۇندا، جۇڭگو (شينجياڭ) ەركىن ساۋدا سىناق رايونى قورعاس بولىمشە رايونىن جوعارى ساپالى دامىتۋ باسشىلار تالقى مىنبەرى، ورتا ازيا اۋىل شارۋاشىلىعى ونىمدەرى قامداۋ – قاجەتسىنۋ تىزبەگى سەلبەستىك باسشىلار ءماجىلىسى قاتارلى 20 نەشە ءتۇرلى سايكەستى قيمىلدار ءبىر ۋاقىتتا وتكىزىلەدى.

ساۋدا مينيسترلىگىنە ەستەلىككە الدىرعان مەملەكەت دارەجەلى ءتۇيىندى كورمە رەتىندە، اتالعان كورمەنى ۇيىمداستىرۋدىڭ ماقساتى — جۇڭگو مەن ورتا ازياداعى بەس مەملەكەتتىڭ ەكونوميكا – ساۋدا سەلبەستىگىن ىشكەرىلەي ورىستەتىپ، ”ءبىر بەلدەۋ، ءبىر جولدى“ بىرگە كوركەيتۋدى جوعارى ساپالى دامىتۋدى ىلگەرىلەتىپ، وڭىرلىك ەكونوميكاعا جاڭا قوزعاۋشى كۇش قوسۋ. كورمەدە العاش رەت ”كورمە مەن ساۋدانى ءبىر تۇلعالاندىرۋ“ فورماسى قولدانىلىپ، ينتەرنەتتەگى قيمىلدار مەن ينتەرنەتتەن تىس قيمىلدار ۇشتاستىرىلىپ، ”كورمەدەگى زاتتاردى تاۋارعا اينالدىرۋ، كورمەگە قاتىناسقان ساۋداگەرلەردى قارجىلاندىرۋشىلارعا اينالدىرۋ“ سىندى ونىمدىلىكتى ىسكە اسىرادى.

كەلۋ قاينارى: حالىق تورابى