20 - كەزەكتى ورتالىق كوميتەتتىڭ 5 - كەزەكتى شارلاۋ گرۋپپاسى ورنالاسىپ بولدى

ورتالىقتىڭ شارلاۋ قىزمەتى جونىندەگى ءبىرتۇتاس ورنالاستىرۋىنا ساي، 4 –ايدىڭ 16 – كۇنىنە دەيىن ورتالىق كوميتەتتىڭ 5 – كەزەكتى شارۋلاۋ گرۋپپاسى ورنالاسىپ بولدى.

وسى رەتكى شارلاۋ وبيەكتىسى قايسىلار؟

پارتيا ورتالىق كوميتەتىنىڭ بەكىتۋىمەن 20 - كەزەكتى ورتالىق كوميتەتتىڭ 5 - رەتكى شارلاۋىندا حىبەي ولكەسىنە، سانشي ولكەسىنە، ىشكى موڭعۇل اۆتونوميالى رايونىنا، جيلين ولكەسىنە، جىجياڭ ولكەسىنە، انحۇي ولكەسىنە، جياڭشي ولكەسىنە، حىنان ولكەسىنە، حۋبەي ولكەسىنە، حۋنان ولكەسىنە، حاينان ولكەسىنە، سىچۋان ولكەسىنە، يۇننان ولكەسىنە، گانسۋ ولكەسىنە، نيڭشيا حۇيزۋ اۆتونوميالى رايونىنا، شينجياڭ ءوندىرىس - قۇرىلىس بيڭتۋانىنا داعدىلى شارلاۋ جۇرگىزەدى، يۇننان ولكەسىنىڭ كۇنميڭ قالاسىنا دارەجە بويىنشا شارلاۋ جۇرگىزەدى ءارى قاتىستى ولكەلىك پارتكومنىڭ شارلاۋ قۇرىلىمدارىمەن بىرگە چاڭچۇن قالاسى، حاڭجوۋ قالاسى، نيڭبو قالاسى، ۋحان قالاسى، چىڭدۋ قالاسى قاتارلى ورىنباسار ولكە دارەجەلى 5 قالاعا بىرلەسىپ شارلاۋ جۇرگىزەدى.

وسى رەتكى شارلاۋدىڭ ءتۇيىنى نە؟

ورنالاسىپ بولعان ناق مايداندا، ورتالىقتىڭ شارلاۋ گرۋپپاسىنىڭ گرۋپپا باستىقتارى ساياسي شارلاۋدىڭ باقىلاۋ ءتۇيىنىن دۇرىس يگەرىپ، پارتيا ورتالىق كوميتەتىنىڭ شارلاۋ جۇرگىزىلگەن رايونداردىڭ فۋنكسيالىق ورنى مەن ستراتەگيالىق ورنالاستىرۋىن ارقاۋ ەتىپ، باس شۋجي شي جينپيڭ مەن پارتيا ورتالىق كوميتەتىنىڭ شەشىمدەرى مەن ورنالاستىرۋلارىن دايەكتى تياناقتاندىرىپ، رەفورمانى ونان ارى جاپپاي تەرەڭدەتۋ ورنالاستىرۋىن تياناقتاندىرىپ، دامۋ مەن حاۋىپسىزدىكتى ءبىرتۇتاس جوسپارلاپ، پارتيانى جاپپاي قاتاڭ جونگە سالۋدى ىشكەرىلەي ىلگەرىلەتۋدى تالاپ ەتتى. باسشىلىق القاسىن، كادرلار، دارىندىلار قوسىنىن جانە نەگىزگى ساتى پارتيا ۇيىمى قۇرىلىسىن، سونداي - اق شارلاۋ، رەتتەۋ - تۇزەتۋ جاعدايىن كۇشەيتىپ، ۇقىق پەن جاۋاپكەرشىلىكتى، ”ءبىرىنشى قول“ مەن باسشىلىق القانى، بۇقارانىڭ اڭىسى كۇشتى بولعان ماسەلەلەردى قاداعالاپ، ساياسي اعاتتىقتاردى كۇش سالا تاۋىپ، كورنەكتى ماسەلەلەردى شەشۋدى ىلگەرىلەتىپ، ورنىقتىلىق بارىسىندا ىلگەرىلەۋگە تاباندى بولىپ، تاقىرىپپەن بىرگە جاۋاپ بەرۋگە ءمان بەرىپ، ءتارتىپ پەن ستيلدى قاتايتىپ، شارلاۋ مىندەتىن باتىل ورىنداۋ كەرەك.

ورتالىقتىڭ شارلاۋ گرۋپپاسىنا قانداي ماسەلەلەردى اڭىس ەتۋگە بولادى؟

شارلاۋ قىزمەتى ەرەجەسىندەگى بەلگىلەمەگە ساي، ورتالىقتىڭ شارلاۋ گرۋپپاسى نەگىزىنەن شارلاۋ جۇرگىزىلگەن وڭىرلەردىڭ باسشىلىق القاسى مەن ونىڭ مۇشەلەرىنىڭ، ءبىر دارەجە تومەن پارتيا ۇيىمى باسشىلىق القاسىنىڭ نەگىزگى جاۋاپتىلارىنىڭ جانە ءتۇيىندى قىزمەت ورىندارىنداعى باسشى كادرلاردىڭ ماسەلەسى جونىندەگى حاتتاردى، تەلەفونداردى، ارىز ـ ارمانداردى قابىلدايدى، مۇندا ساياسي تارتىپكە، ۇيىمدىق تارتىپكە، پاكتىك تارتىبىنە، بۇقارالىق تارتىپكە، قىزمەت تارتىبىنە، تۇرمىس تارتىبىنە قايشىلىق جاساۋ قاتارلى جاقتارداعى اشكەرەلەۋلەر مەن اڭىستار ءتۇيىن ەتىلەدى. شارلاۋدىڭ قابىلداۋ كولەمىنە جاتپايتىن باسقا دا ارىز - ارمان ماسەلەلەرىن بەلگىلەمە بويىنشا قاتىستى تاراۋلار مۇقيات ءبىر جاقتى ەتەدى.

ورتالىقتىڭ شارلاۋ گرۋپپاسىنا ماسەلەنى قانداي جولدارمەن اڭىس ەتۋگە بولادى؟

شارلاۋ كەزىندە ورتالىقتىڭ شارلاۋ گرۋپپالارى ارناۋلى كەزەكشىلىك تەلەفونىن، ارناۋلى پوچتا حات ساندىعىن اشىپ، بۇقارادان كەلگەن ارىز ـ ارمانداردى قابىلدايدى.

ورنالاسىپ بولعان ورتالىقتىڭ شارلاۋ گرۋپپاسىمەن بايلانىس جاساۋ ءتاسىلى:

كەلۋ قاينارى: حالىق تورابى