شينجياڭ اۋىل – قىستاقتاردا جالعان، جارامسىز ازىق – تۇلىكتەردى ءوندىرۋ – ساتۋ سىندى زاڭ – تۇزىمگە قايشى ارەكەتتەردىڭ دەرەگىن جيناۋدا 

انار بۇلت \ شينجياڭ گازەتىنىڭ ءتىلشىسى سو رۇڭجى حابارلايدى. 4 – ايدىڭ 15 – كۇنىنەن 12 – ايدىڭ 31 – كۇنىنە دەيىن، شينجياڭ ۇيعۇر اۆتونوميالى رايوندىق بازاردى باقىلاۋ – باسقارۋ مەكەمەسى اۆتونوميالى رايون كولەمىندە اۋىل – قىستاقتاردا جالعان – جارامسىز ازىق – تۇلىكتەردى ءوندىرۋ – ساتۋ سىندى زاڭ – تۇزىمگە قايشى ارەكەتتەردىڭ دەرەگىن جينايدى، جۇرتشىلىقتى اۋىل – قىستاقتاعى ازىق – تۇلىك حاۋىپسىزدىگىن باقىلاۋعا قاتىناسۋعا، اۋىل – قىستاقتا جالعان – جارامسىز ازىق – تۇلىكتەردى ءوندىرۋ سىندى زاڭ – تۇزىمگە قايشى ارەكەتتەردىڭ دەرەگىن بەلسەندى اشكەرەلەۋگە، اۋىل – قىستاقتاعى حاۋىپسىز دە الاڭسىز ازىق – تۇلىك تۇتىنۋ ورتاسىن بىرگە جاراتۋعا شاقىرادى.

جۇرتشىلىق قاتىستى زاڭعا قايشى ارەكەتتەردى بايقاسا، مىناداي 5 ءتۇرلى جول ارقىلى مالىمدەۋىنە، اشكەرەلەۋىنە بولادى. 12315 توتە جەلىسىنە تەلەفون سوعۋ نەمەسە ۋيشين الەۋمەتتىك تەكشەسى ارقىلى ”12315“ دى ىزدەپ تىركەلگەن سوڭ قاتىستى ينفورماتسيالاردى تاپسىرۋ، جىفۋباۋدىڭ ءبىرىنشى بەتىندە ”12315“ دى ىزدەپ، مەملەكەتتىك بازاردى باقىلاۋ – باسقارۋ باس مەڭگەرمەسىنىڭ 12315 رەسمي شاعىن پروگرامماسىن اشىپ، تىركەلگەن سوڭ قاتىستى ينفورماتسيالاردى تاپسىرۋ، كومپيۋتەر نەمەسە قول تەلەفون ارقىلى مەملەكەتتىك 12315 ينتەرنەتتىك تەكشەسىنە (http://www.12315.cn/) شىعىپ مالىمدەۋ جانە اشكەرەلەۋ. مۇنان سىرت، قول تەلەفونداعى قولدانىلمالى دەتالدار دۇكەنىنەن مەملەكەتتىك 12315 تەكشەسىن ءتۇسىرىپ، تىركەلگەن سوڭ قاتىستى ينفورماتسيالاردى تاپسىرۋ.

كەلۋ قاينارى: حالىق تورابى