شينجياڭدا قورعالاتىن جاعراپيالىق بەلگى ونىمىنەن تورتەۋى تىڭنان قوسىلدى

4 – ايدىڭ 14 – كۇنى، مەملەكەتتىك ءبىلىم مەنشىك ۇقىعى مەكەمەسىنىڭ تورابى حابارلاندىرۋ شىعارىپ، جاعراپيالىق بەلگى ونىمدەرىن قورعاۋ ادىسىندەگى قاتىستى بەلگىلەمەلەرگە ساي، مەملەكەتتىك ءبىلىم مەنشىك ۇقىعى مەكەمەسى 90 ءونىمدى جاعراپيالىق بەلگى ونىمدەرى دەپ تۇراقتاندىردى ءارى قورعادى، شينجياڭنان 4 ءونىم تاڭدالدى.

تىزىمدىكتە كورسەتىلۋىنشە، شينجياڭنان جەكە ـ جەكە جىڭ الاقاتى، شەريا شىلانى، باعراش قىزىل بۇرىشى، قورعاس لاۆانداسى تاڭدالعان.

بۇدان سىرت، مەملەكەتتىك ءبىلىم مەنشىك ۇقىعى مەكەمەسىنىڭ تورابى سول كۇنى ليڭچۋاننىڭ بۇتا شىرماۋىعى قاتارلى 26 ءونىمدى جاعراپيالىق بەلگى ءونىمى دەپ العاشقى ادىمدا تۇراقتاندىرۋ جونىندەگى حابارلاندىرۋدى جاريالادى، مۇنىڭ ىشىندە شينجياڭ ءپايزاۋات قارا ورىگى تاڭدالدى.

سوڭعى جىلدارى شينجياڭ وڭىرلىك ايگىلى ماركالاردى بەلسەنە قالىپتاستىرىپ، وڭىرلىك سەلبەستىكتى جانە جۇيەلى مالىمدەۋدى كۇشەيتىپ، ساپالى قۇرىلىمداردى باعالاپ، سارالاپ، ءونىم ساپاسىن قامتاماسىز ەتىپ، جاعراپيالىق بەلگىلەردى قورعاۋدان ۇلگى كورسەتۋ رايونىن، كورمە سارايىن جانە سەزىنۋ سارايىن قۇرىپ، شينجياڭنىڭ جاعراپيالىق بەلگى ونىمدەرىنىڭ اتاعىن جوعارىلاتتى. 2024 ـ جىلى 10 ـ ايعا دەيىن، شينجياڭدا 152 جاعراپيالىق بەلگى بار بولىپ، مۇنىڭ ىشىندە قورعالاتىن جاعراپيالىق بەلگى ءونىمى 40، جاعراپيالىق بەلگى تاۋار ماركاسى 112گە جەتتى.

كەلۋ قاينارى: حالىق تورابى