جۇڭگو جاق ا ق ش جاققا كەدەن باجىسىن اناعۇرلىم جوعارى مولشەردە ۇستەمەلەي مە؟ ساۋدا مينيسترلىگى جاۋاپ قايتاردى 

4 – ايدىڭ 10 – كۇنى، ساۋدا مينيسترلىگى كەزەكتى تىلشىلەردى قابىلداۋ ءماجىلىسىن اشتى. ءبىر ءتىلشى ترامپتىڭ جۇڭگوعا باعىتتالعان كەدەن باجىسىن %125 كە جوعارىلاتاتىنىن، ءتىپتى %150 كە دەيىن جەتكىزۋى مۇمكىن ەكەنىن جاريالاعانى جونىندە مالىمدەمەشىدەن سۇراۋ سۇرادى. ساۋدا مينيسترلىگىنىڭ مالىمدەمەشىسى مىنانى ءبىلدىردى: جورامال سيپاتىنداعى ماسەلەلەرگە قازىر پىكىر بىلدىرە المايمىز. الايدا، باسا دارىپتەۋدى قاجەت ەتەتىنى، ساۋدا شايقاسىندا جەڭىمپاز بولمايدى، قورعانىمپازدىققا شىعار جول جوق. ەگەر ا ق ش جاق العان بەتىنەن قايتپايتىن بولسا، جۇڭگو دا سوڭىنا دەيىن شايقاسۋعا دايىن، ءبىز، استە، ا ق ش جاقتىڭ بارىنشا قىسىم كورسەتۋى مەن زورەكەرلىك ارەكەتىن قابىلداي المايمىز، ءسوزسىز، باتىل دا پارمەندى شارالاردى قولدانىپ، ءوزىمىزدىڭ ۇيلەسىمدى ۇقىق – مۇددەمىزدى قورعايمىز.

كەلۋ قاينارى: حالىق تورابى