جۇڭگو جاق دۇنيە جۇزىلىك ساۋدا ۇيىمىنىڭ تالاس – تارتىستى شەشىم ەتۋ مەحانيزمى اياسىندا ا ق ش جاقتىڭ كەدەندىك باجى ۇستەمەلەۋ جاعىنداعى ەڭ جاڭا شارالارى جونىندە ارىزداندى 

شينحۋا اگەنتتىگىنىڭ 4 – ايدىڭ 9 – كۇنى بەيجيڭنەن بەرگەن حابارى. ساۋدا مينيسترلىگىنىڭ مالىمدەمەشىسىنىڭ 4 – ايدىڭ 9 – كۇنى ايتۋىنشا، ا ق ش – نىڭ شىعىس بولىك ۋاقىتى بويىنشا 4 – ايدىڭ 8 – كۇنى ا ق ش اسىلگى ”بارابار كەدەن باجىسى“ شاراسى نەگىزىندە، جۇڭگونىڭ قاتىستى بۇيىمدارىنا %50 تىك كەدەن باجىسىن ۇستەمەلەيتىنىن جاريالاعان. جۇڭگو جاق دۇنيە جۇزىلىك ساۋدا ۇيىمىنىڭ تالاس – تارتىستى شەشىم ەتۋ مەحانيزمى اياسىندا ا ق ش – نىڭ كەدەندىك باجى ۇستەمەلەۋدەگى ەڭ جاڭا شارالارى جونىندە ارىزدانعان.

مالىمدەمەشى مىنانى بىلدىرگەن: ا ق ش جاقتىڭ باجى الۋ شارالارى دۇنيە جۇزىلىك ساۋدا ۇيىمىنىڭ ەرەجەلەرىنە اۋىر دارەجەدە قايشى كەلەدى، بۇل جولى تاعى دا %50 تىك كەدەن باجىسىن ۇستەمەلەۋى قاتەلىك ۇستىنە قاتەلىك وتكىزگەندىك، بۇل ا ق ش جاقتىڭ شارالارىنىڭ سىڭار جاقتىلى زورەكەرلىك سيپاتىن ايقىن كورسەتەدى. جۇڭگو جاق دۇنيە جۇزىلىك ساۋدا ۇيىمىنىڭ ەرەجەلەرىنە ساي، ءوزىنىڭ زاڭدى ۇقىق – مۇددەسىن باتىل قورعايدى، كوپ جاقتى ساۋدا ءتۇزىلىسى مەن حالىقارالىق ەكونوميكا – ساۋدا ءتارتىبىن باتىل قورعايدى.

كەلۋ قاينارى: حالىق تورابى