پويەزگە وتىرعاندا زات جوعالتىپ الساڭىز قايتۋىڭىز كەرەك؟ ابىرجىماڭىز، مىناداي ءۇش ءتۇرلى امالدى سىناپ كورىڭىز 

ورتالىق تەلەۆيزيا تورابىنىڭ حابارى: ساپارعا شىققان كەزدە، ونى – مۇنى نارسەنى جوعالتىپ الۋدان اۋلاق بولۋ قيىن، وتە – موتە باعالى زاتتاردى نەمەسە ازاماتتىق كۋالىك قاتارلى ماڭىزدى كۋالىكتەردى جوعالتىپ الساڭىز، كوڭىلدى ساپارىڭىزدى بۇلدىرەدى. ەندەشە، پويەزگە وتىرعاندا قاي ورىندار زات ەڭ كوپ جوعالاتىن ورىندار سانالادى؟ زات جوعالتىپ العان جاعدايدا قايتۋ كەرەك؟

چيان شياۋلي تەمىر جول سالاسىندا 12 جىل قىزمەت ىستەگەن، ونىڭ بايقاۋىنشا، زات جوعالتۋ جاعدايىنىڭ دا وزىندىك زاڭدىلىعى بار.

مەملەكەتتىك تەمىر جول شەكتى سەرىكتەستىگى ءۇرىمجى مەكەمەسى قۇمىل بەكەتىنىڭ ورىنباسار بەكەت باستىعى چيان شياۋلي: دەمالىس مەزگىلىندە ساپارعا شىعاتىن جولاۋشىلاردىڭ سانى ارتادى، جولاۋشىلاردىڭ زات جوعالتىپ الۋ جاعدايى دا كورنەكتى كوبەيەدى. ءبىزدىڭ بايقاۋىمىزشا، بەكەتتەگى بەلەت ساتۋ تەرەزەسى، حاۋىپسىزدىك تەكسەرۋ رايونى، پويەز كۇتۋ زالىنداعى ورىندىقتىڭ ماڭايى، تەلەفوندى زاريادتاۋ رايونى، تازالىق ساقتاۋ بولمەسىندەگى قول جۋۋ تەكشەسى، بەلەت تەكسەرۋ ەسىگى، سونداي – اق، پويەزدەگى جۇك قويۋ سورەسى، ورىندىقتىڭ سۇيەنىشىنىڭ ارتىنداعى تور دوربا، ورىندىقتىڭ اراسىنداعى قۋىس، پويەزدىڭ تەرەزە تەكشەسى، دارەتحاناداعى كيىم – كەشەك ىلەتىن ىلگەك، قول جۋۋ ورنى قاتارلى جەرلەرگە جولاۋشىلار زاتتارىن وڭاي قالدىرىپ كەتەدى.

زات جوعالتىپ العان جاعدايدا، جولاۋشىلار قالاي ىستەۋى كەرەك؟ مىناداي تاسىلدەردى سىناپ كورۋگە بولادى:

ءبىرىنشى امال: ەگەر پويەز بەكەتىنەن نەمەسە پويەزدەن ءالى كەتپەگەن بولساڭىز، دەرەۋ تەمىر جول قىزمەتكەرلەرىنەن كومەك سۇراۋىڭىزعا بولادى.

ەكىنشى امال: تەمىر جول 12306 App دەتالىن اشىپ، ىقىلاسپەن قىزمەت وتەۋ دەگەن ورىندى باسىپ، جوعالعان زاتتى ىزدەۋدى تاڭداڭىز. پاراقشاعا كىرگەن سوڭ، جولاۋشىنىڭ ينفورماتسياسىن تاڭداپ، جولاۋشىنىڭ ينفورماتسياسى جانە جوعالعان زات قاتارلى ينفورماتسيالاردى تولتىرىپ، تاپسىرۋدى تۇراقتاندىرعان سوڭ، سول جاق ۇستىڭگى جاعىنداعى تەكسەرۋ ورنىنان زاتتى ىزدەۋ بارىسىن كورۋىڭىزگە بولادى.

ءۇشىنشى امال: مەملەكەتتىك تەمىر جول سەرىكتەستىگىنىڭ كليەنتتەرگە قىزمەت وتەۋ تەلەفونى 12306 نومىرىنە تەلەفون جالعاپ، وتىرعان پويەزىڭىزدىڭ رەت ءنومىرى، ورنى، زاتتىڭ جاعدايى، بايلانىس جاساۋشى قاتارلى ينفورماتسيالاردى دۇرىس ايتىپ بەرسەڭىز، تەمىر جول تاراۋلارى سىزگە كومەكتەسىپ، جوعالتقان زاتىڭىزدى كۇش سالا ىزدەستىرەدى.

الىپ جۇرگەن زاتتى جوعالتىپ الۋدان ساقتانۋ ءۇشىن، جاسى ۇلعايعان جولاۋشىلار ساپارعا شىعار الدىندا زاتتاردى ءبىر چەمودانعا نەمەسە سومكەگە جيناپ سالىپ العانى ءجون، ۇساق – تۇيەك دوربالاردى بولەك - بولەك كوتەرىپ جۇرسەڭىز وڭاي جوعالتىپ الاسىز. مۇنان سىرت، رەڭى، سىرتقى كورىنىسى ۇقساس، وڭاي پارىقتالمايتىن سومكالارعا كورنەكتى بەلگى سالىپ قويساڭىز، قاتە الىپ الۋدان ساقتانۋىڭىزعا بولادى.

كەلۋ قاينارى: حالىق تورابى