مەملەكەتتىك كەڭەستىڭ كەدەن باجىسى ەرەجەسى كوميتەتى: ا ق ش – تا وندىرىلگەن بارلىق يمپورت تاۋارلارىنان كەدەن باجىسىن ۇستەمەلەپ الۋ كەرەك

شينحۋا اگەنتتىگىنىڭ 4 – ايدىڭ 4 – كۇنى بەيجيڭنەن بەرگەن حابارى. مەملەكەتتىك كەڭەستىڭ كەدەن باجىسى ەرەجەسى كوميتەتى 4 – ايدىڭ 4 - كۇنى حابارلاندىرۋ جاريالاپ بىلاي دەدى: مەملەكەتتىك كەڭەستىڭ بەكىتۋىمەن 2025 – جىلى 4 – ايدىڭ 10 - كۇنى ساعات 12 دەن 1 مينۋت وتكەننەن باستاپ ا ق ش – تا وندىرىلگەن بارلىق يمپورت تاۋارلارىنان كەدەن باجىسى ۇستەمەلەپ الىنادى.

حابارلاندىرۋدا بىلاي دەلىندى: 2025 – جىلى 4 – ايدىڭ 2 - كۇنى ا ق ش ۇكىمەتى جۇڭگونىڭ ا ق ش – قا شىعاراتىن تاۋارلارىنان «تەڭ كەدەن باجىسىن» الاتىندىعىن جاريالادى. ا ق ش ـ تىڭ ءادىسى حالىقارالىق ساۋدا ەرەجەسىنە ۇيلەسپەيدى، جۇڭگونىڭ ورىندى، زاڭدى ۇقىق ـ مۇددەسىنە اۋىر زيان جەتكىزەدى، بۇل ‐ تيپتىك سىڭار جاقتى زورەكەرلىك ءادىس.

«جۇڭحۋا حالىق رەسپۋبليكاسىنىڭ كەدەن باجىسى زاڭى»، «جۇڭحۋا حالىق رەسپۋبليكاسىنىڭ كەدەن زاڭى»، «جۇڭحۋا حالىق رەسپۋبليكاسىنىڭ سىرتقى ساۋدا زاڭى» قاتارلى زاڭدار مەن زاڭدىق ەرەجەلەرگە جانە حالىقارالىق زاڭنىڭ نەگىزگى پرينسيپتەرىنە ساي، مەملەكەتتىك كەڭەستىڭ بەكىتۋىمەن مەملەكەتتىك كەڭەستىڭ كەدەن باجىسى ەرەجەسى كوميتەتى حابارلاندىرۋ شىعارىپ، 2025 - جىلى 4 - ايدىڭ 10 - كۇنى ساعات 12 دەن 1 مينۋت وتكەننەن باستاپ ا ق ش - تا وندىرىلگەن بارلىق يمپورت تاۋارلارىنان %34 كەدەن باجىسىن ۇستەمەلەپ الادى. 2025 – جىلى 4 – ايدىڭ 10 – كۇنى ساعات 12 دەن 1 مينۋت وتكەننەن بۇرىن زات تاسىمالداناتىن جەردەن جولعا شىعىپ بولعان، ونىڭ ۇستىنە 2025 – جىلى 4 – ايدىڭ 10 – كۇنى ساعات 12 دەن 1 مينۋت وتكەننەن 2025 - جىلى 5 – ايدىڭ 13 – كۇنى ساعات 24 كە دەيىن يمپورت ەتىلسە، وسى رەتكى ۇستەمەلەپ الىناتىن كەدەن باجىسى الىنبايدى.

جۇڭگو ا ق ش – تى سىڭار جاقتى كەدەن باجىسى شارالارىن دەرەۋ كۇشىنەن قالدىرىپ، تەڭدىك، قۇرمەت ەتۋ، ءوزارا تيىمدىلىك جاساۋ تاسىلىمەن ساۋدا الاۋىزدىعىن كەڭەسۋ ارقىلى شەشۋگە قۋزايدى.

كەلۋ قاينارى: حالىق تورابى