جاپونيانىڭ كەمەسى ەلىمىزدىڭ دياۋيۇي ارالىنا قاراستى تەڭىزگە زاڭسىز كىرگەن، جۇڭگو تەڭىز ساقشىلارى زاڭ بويىنشا قۋالادى!

جۇڭگو تەڭىز ساقشىلارى مەڭگەرمەسىنىڭ مالىمدەمەشىسى ليۋ دىجۇننىڭ ايتۋىنشا، 4 – ايدىڭ 5 – كۇنىنەن 6 – كۇنىنە دەيىن، جاپونيانىڭ ”حىۋان“ اتتى بالىقشى كەمەسى ەلىمىزدىڭ دياۋيۇي ارالىنا قاراستى تەڭىز الابىنا كىرگەن، جۇڭگو تەڭىز ساقشىلارىنىڭ كەمەسى زاڭ بويىنشا اتالعان كەمەگە قاجەتتى باسقارۋ – تەجەۋ شارالارىن قولدانعان ءارى ەسكەرتۋ بەرىپ قۋالاعان. دياۋيۇي ارالى مەن ونىڭ قاراماعىنداعى ارالدار ەجەلدەن بەرى جۇڭگونىڭ تەرريتورياسى، ءبىز جاپونيا جاقتى اتالعان تەڭىز الابىنداعى ءارقانداي زاڭعا قايشى ارەكەتتەرىن دەرەۋ توقتاتۋعا قۋزايمىز. جۇڭگو تەڭىز ساقشىلارى دياۋيۇي ارالىنا قاراستى تەڭىز الابىندا ۇقىقتى قورعاۋ جانە زاڭ اتقارۋ جاعىنداعى قيمىلداردى ۇزدىكسىز ورىستەتىپ، جۇڭگونىڭ تەرريتوريالىق يەلىك ۇقىعى مەن تەڭىز – مۇحيتتاعى ۇقىق – مۇددەسىن قورعايدى.

كەلۋ قاينارى: حالىق تورابى