بىرلەسكەن مەملەكەتتەر ۇيىمى: ساۋدا سوعىسىندا جەڭىمپاز بولمايدى، ءالسىز ەلدەردىڭ جاعدايى ادامدى الاڭداتادى

شينحۋا اگەنتتىگىنىڭ 4 – ايدىڭ 4 - كۇنى ب م ۇ ـ دان بەرگەن حابارى. ب م ۇ ـ نىڭ باس حاتشىسى گۋتتەرەستىڭ مالىمدەمەشىسى دياريك 4 – ايدىڭ 4 - كۇنى بىلاي دەپ ەسكەرتتى: ساۋدا سوعىسىندا جەڭىمپاز جوق، ال ءالسىز ەلدەر ءدوپ كەلىپ وتىرعان سىن ـ سايىستار ادامدى ءتىپتى دە الاڭداتادى.

ا ق ش – تىڭ اتالمىش ”تەڭ كەدەن باجىسى“ ساياساتىن جاريالاۋىنا قاراتا، دياريك سول كۇنى تىلشىلەردىڭ سۇراۋىنا جاۋاپ بەرگەندە بىلاي دەدى: گۋتتەرەس ”ساۋدا سوعىسىندا جەڭىمپاز جوق“، ”ءبىزدىڭ اناۋ ەڭ ءالسىز، ەڭ قاۋقارسىز ەلدەردىڭ قازىرگى سايىسقا توتەپ بەرۋىنەن الاڭدايمىز“ دەيدى.

دياريك بىلاي دەدى: ساۋدا سوعىسى ب م ۇ ـ نىڭ باياندى دامۋ نىساناسىن جۇزەگە اسىرۋدى ىلگەرىلەتۋىنە كەرى ىقپال جاسايدى.

ا ق ش - تىڭ شىعىس بولەك ۋاقىتى بويىنشا 4 - ايدىڭ 2 - كۇنى ا ق ش جاق بارلىق ساۋدا سەرىكتەرىنەن اتالمىش «تەڭ كەدەن باجىسىن» الاتىندىعىن جاريالادى. ا ق ش ـ تىڭ ءادىسى دەرەۋ بۇكىل الەمنىڭ جازعىرۋىنا ۇشىرادى، ا ق ش ـ تىڭ كوپتەگەن ساۋدا سەرىكتەرى كۇشتى نارازىلىق ءبىلدىرىپ جانە ايقىن قارسى تۇرىپ، شارا قولدانىپ قارسى تۇراتىندىعىن ءبىلدىردى.

كەلۋ قاينارى: حالىق تورابى