نانجيڭ كەدەن مەكەمەسى ”ماسەلە بار قاريتادان“ 12 قاريتانى انىقتاپ قولعا ءتۇسىردى 

ورتالىق تەلەۆيزيا تورابىنىڭ حابارى: ”كەدەن اقپاراتتارى“ ۋيشين تەكشەسىنىڭ حابارلاۋىنشا، 4 – ايدىڭ 2 – كۇنى، نانجيڭ كەدەن مەكەمەسىنىڭ قاراماعىنداعى تايساڭ كەدەن مەكەمەسىنىڭ قىزمەتكەرلەرى ”ماسەلە بار قاريتادان“ 12 قاريتانى انىقتاپ قولعا تۇسىرگەن.

سول كۇنى كەدەن مەكەمەسىنىڭ قىزمەتكەرلەرى شەكارادان كىرگەندەردىڭ جۇكتەرىن تەكسەرگەن كەزدە، جۇكتەردىڭ اراسىنان ”ماسەلە بار قاريتادان“ 12 قاريتانى انىقتاپ قولعا تۇسىرگەن. ساراپتاۋعا قاراعاندا، اتالعان قاريتالاردا قاتە تۇردە تايۋان ولكەسىن مەملەكەت رەتىندە بەلگىلەۋ سىندى ماسەلە ساقتالىپ، ەلىمىزدىڭ يەلىك ۇقىعى مەن تەرريتوريا تۇتاستىعىنا اۋىر دارەجەدە زيان سالعان، ءبىر جۇڭگو پرينسيبىنە قايشى كەلگەن. قازىر اتالعان كەدەن ”ماسەلە بار قاريتالاردى“ زاڭ بويىنشا ۇستاپ قالعان.

كەدەن مەكەمەسى مىنانى ەسكەرتەدى: مەملەكەت قاريتاسىنىڭ دۇرىس نۇسقاسى — مەملەكەتتىڭ يەلىك ۇقىعى مەن تەرريتوريا تۇتاستىعىنىڭ سيمۆولى، مەملەكەتتىڭ يەلىك ۇقىعىنىڭ ايگىلەنۋ فورماسى. ءارقانداي ورىندار مەن جەكەلەردىڭ مەملەكەتتىڭ قاتىستى ولشەمدەرى مەن بەلگىلەمەلەرىنە ساي كەلمەيتىن قاريتالاردى شەكارادان الىپ شىعۋىنا، شەكارادان الىپ كىرۋىنە، پوچتا ارقىلى جولداۋىنا جول بەرىلمەيدى.

كەلۋ قاينارى: حالىق تورابى