شينجياڭ تۇرپان يارعول تاس ۇڭگىرى تۇڭعىش رەت اشىق ۇستالدى 

ءبىر جىلداي ۋاقىتتان بەرى ورىستەتىلگەن قورعاۋ، جوندەۋ جانە سيفرلاندىرۋ قۇرىلىسى اياقتاعان سوڭ، شينجياڭ تۇرپان يارعول تاس ۇڭگىرى 4 – ايدىڭ 5 – كۇنى تۇڭعىش رەت اشىق ۇستالدى، ءتۇسى ءوڭىپ كەتكەن قابىرعا سۋرەتتەردىڭ بوياۋى AR قاتارلى سيفرلى تەحنيكالار ارقىلى قالپىنا كەلتىرىلىپ، ساياحاتشىلارعا كورسەتىلدى.

يارعول تاس ۇڭگىرى يارعول بايىرعى قالاسى ورنالاسقان يارناز سايىنىڭ ەكى جاعىنداعى تەكشەدەگى جالاما جارتاسقا ورنالاسقان، ەرتەدە ”شيگۋ بۇتحاناسى“ دەپ اتالعان، بۇرىن يارعول بايىرعى قالاسىنا قاراستى بۇتحانا بولعان، قازىر 22 ۇڭگىر ساقتالىپ قالعان بولىپ، ۇستىڭگى جانە استىڭعى قابات سىندى ەكى قاباتقا بولىنەدى، ۇستىڭگى قاباتى سوپىلاردىڭ ءمىناجات ەتەتىن ورنى بولعان، استىڭعى قاباتى سوپىلاردىڭ تۇراعى نەمەسە تۇرمىس رايونى بولۋى مۇمكىن. وسى جولى نەگىزىنەن 4 – ءنومىرلى ۇڭگىر مەن 7 – ءنومىرلى ۇڭگىر سىرتقا اشىق ۇستالعان.

سۋرەتتە: شينجياڭ تۇرپان يارعۇل تاس ۇڭگىرى (4 - ايدىڭ 5 - كۇنى ۇشقىشسىز ۇشاقپەن تۇسىرىلگەن سۋرەت). شينحۋا اگەنتتىگى (ليۋ يۇيجيە فوتوسى)

سۋرەتتە:4 - ايدىڭ 5 ـ كۇنى، شينجياڭ تۇرپان يارعۇل تاس ۇڭگىرىندە، ساياحاتشىلار قابىرعا سۋرەتتەردى تاماشالاۋدا. شينحۋا اگەنتتىگى (ليۋ جيان فوتوسى)

2014 - جىلى يارعول بايىرعى قالاسى جۇڭگو، قازاقستان جانە قىرعىزستان بىرلەسىپ ءوتىنىش ەتكەن ”جىبەك جولى: چاڭ - ان - تيانشان كوريدورى جول تورابىنداعى“ ەسكى جۇرت رەتىندە «دۇنيە جۇزىلىك مۇرالار تىزىمدىگىنە» ەنگىزىلگەن، يارعول تاس ۇڭگىرلەرىنىڭ اشىق ۇستالۋى يارعول بايىرعى قالاسىنىڭ كورمە مازمۇنىن ونان ارى بايىتا تۇسەدى.

كەلۋ قاينارى: حالىق تورابى