وسى اپتادا شينجياڭنىڭ اۋا رايى قۇبىلمالى بولادى

ءتىلشىنىڭ 4 - ايدىڭ 7 - كۇنى شينجياڭ اۋا رايى ستانسياسىنان ۇعىسۋىنشا، وسى اپتادا (4 - ايدىڭ 7 - كۇنىنەن 13 - كۇنىنە دەيىن) بۇكىل شينجياڭدا اۋا رايى سالىستىرمالى تۇردە قۇبىلمالى بولىپ، جاڭبىر، قار جاۋادى، بوران، قۇمدى بوران سوعادى ، مەجەمەن 4 - ايدىڭ 8 - كۇنىنەن 12 - كۇنىنە دەيىن ءبىر رەت سۋىق اعىس جانە ءبىر رەت وڭىرلىك قيىس شىعىس جەلى شينجياڭعا ىقپال جاسايدى. شينجياڭ اۋا رايى ستانسياسى مىنانى ەسكەرتتى: جاڭبىردىڭ، قاردىڭ، جەل وتتەرىندەگى بوراننىڭ، وڭتۇستىك شينجياڭدا قۇمدى بوراننىڭ، تاۋلى وڭىرلەردىڭ ءىشىنارا جەرلەرىندە تاسقىن اپاتىنىڭ جول قاتىناسى، ساياحات، ەگىن، مال شارۋاشىلىق ءوندىرىسى قاتارلىلارعا ءتيىمسىز ىقپال جاساۋىنان ساقتانۋ كەرەك.

مەجەمەن 4 – ايدىڭ 8 – كۇنى تۇننەن 10 – كۇنى كۇندىزگە دەيىن، تارباعاتاي ايماعى، التاي ايماعى جانە تيانشان تاۋلى رايونى، سونداي - اق تيانشان تاۋىنىڭ سولتۇستىك بەتكەيى، وڭتۇستىك شينجياڭنىڭ باتىس بولەگىندەگى تاۋلى رايون، قۇمىل قالاسىنىڭ سولتۇستىك بولەگىندەگى تاۋلى رايون قاتارلى جەرلەردىڭ ءىشىنارا وڭىرلەرىندە سەبەزگى جاڭبىر نەمەسە قار ارالاس جاڭبىر جاۋادى، ءىشىنارا وڭىرلەردە ورتاشادان باستاپ قالىڭ جاڭبىر نەمەسە قار جاۋادى، تاۋلى وڭىرلەردىڭ ءىشىنارا جەرلەرىندە نوسەر نەمەسە قار جاۋادى؛ جوعارىدا ايتىلعان باسىم كوپ ساندى وڭىرلەردە جانە تۇرپان قالاسىندا باتىس سولتۇستىكتەن 5 بال اينالاسىندا جەل سوعادى، جەل وتىندە 9 دا 10 بال بوران سوعادى، مەزەتتىك وتكىنشى جەل كۇشى 11 بالعا جەتەدى؛ وڭتۇستىك شينجياڭ ويپاتىنىڭ ورتا، شىعىس بولەگىندە قيىس شىعىستان 5 بال اينالاسىندا جەل سوعادى، مەزەتتىك وتكىنشى جەل كۇشى 7 دە 9 بال بولادى، ءىشىنارا وڭىرلەردە قىسقا ۋاقىتتىق قۇمدى بوران سوعادى.

مەجەمەن 4 – ايدىڭ 10 – كۇنى تۇننەن 12 - كۇنى تۇنگە دەيىن، ىلە اڭعارىنىڭ وڭتۇستىگىندەگى تاۋلى وڭىرلەر، وڭتۇستىك شينجياڭنىڭ باتىس بولەگىندەگى تاۋلى وڭىرلەر، حوتان ايماعىنىڭ وڭتۇستىگىندەگى تاۋلى وڭىرلەر، اقسۋ ايماعى قاتارلى جەرلەردىڭ ءىشىنارا وڭىرلەرىندە جاڭبىر نەمەسە قار ارالاس جاڭبىر جاۋادى، ءىشىنارا جەرلەردە نوسەر نەمەسە قار جاۋادى؛ جوعارىدا ايتىلعان ءىشىنارا وڭىرلەردە قيىس شىعىستان 5 بال شاماسىندا جەل سوعادى، مۇنىڭ ىشىندە تارباعاتاي ايماعىنىڭ سارعۋسىن جانە مايتاس جەل رايونى، التاي ايماعىنىڭ نوقاي جەل رايونى، ءۇرىمجى قالاسىنىڭ ۇلانباي جانە حۇڭيانچى قاتارلى جەل وتتەرىندە 8 دە 9 بال بوران سوعادى؛ وڭتۇستىك شينجياڭداعى ويپاتتاردىڭ ورتا، شىعىس بولەگىندە قيىس شىعىستان 5 بال شاماسىندا جەل سوعادى، مەزتتىك جەل 7 بالعا جەتەدى، ءىشىنارا وڭىرلەردە قىسقا ۋاقىتتىق قۇمدى بوران سوعادى.

الداعى ءبىر اپتادا بۇكىل شينجياڭنىڭ باسىم كوپ ساندى رايوندارىندا نەگىزىنەن كۇن اشىق بولادى، كەيدە بۇلتتى بولادى، جەل كۇشى زور بولمايدى.

كەلۋ قاينارى: حالىق تورابى