ەگەر ا ق ش جاقتىڭ كەدەندىك باجى ۇستەمەلەۋ شارالارى اتقارىلاتىن بولسا، جۇڭگو جاق قارسى شارالاردى باتىل اتقارادى 

شينحۋا اگەنتتىگىنىڭ 4 – ايدىڭ 8 – كۇنى بەيجيڭنەن بەرگەن حابارى. ساۋدا مينيسترلىگىنىڭ مالىمدەمەشىسىنىڭ 4 – ايدىڭ 8 – كۇنى ايتۋىنشا، جۇڭگو جاق ا ق ش – نىڭ شىعىس بولىك ۋاقىتى بويىنشا 4 – ايدىڭ 7 – كۇنى ا ق ش جاقتىڭ جۇڭگوعا باعىتتالعان كەدەندىك باجىنى %50 ۇستەمەلەيمىز دەپ ونان ارى قۇقاي كورسەتكەنىنە نازار اۋدارعان، جۇڭگو جاق بۇعان باتىل قارسى تۇرادى. ەگەر ا ق ش جاق دارەجەسى جوعارىلاتىلعان كەدەندىك باجى ساياساتىن اتقاراتىن بولسا، جۇڭگو جاق قارسى شارالاردى باتىل اتقارىپ، ءوزىنىڭ ۇقىق – مۇددەسىن قورعايدى.

مالىمدەمەشى بىلاي دەدى: ا ق ش جاقتىڭ جۇڭگوعا اتالمىش ”بارابار كەدەن باجىسىن” اتقارۋى مۇلدە نەگىزسىز، تيپتىك سىڭار جاقتىلى زورەكەرلىك سانالادى، جۇڭگو جاقتىڭ قازىرگە دەيىن اتقارعان قارسى شارالارى ءوزىنىڭ يەلىك ۇقىعىنىڭ حاۋىپسىزدىگى مەن دامۋ جاعىنداعى ۇقىق – مۇددەسىن قورعاۋ ءۇشىن، قالىپتى حالىقارالىق ساۋدا ءتارتىبىن قورعاۋ ءۇشىن اتقارىلعان، بۇكىلدەي ۇيلەسىمدى شارالار سانالادى. ا ق ش جاقتىڭ جۇڭگوعا باعىتتالعان كەدەندىك باجىنىڭ دارەجەسىن جوعارىلاتامىز دەپ قۇقاي كورسەتۋى قاتەلىك ۇستىنە قاتەلىك جاماعاندىق، ا ق ش جاقتىڭ بوپسالاۋعا باساتىن تەگىن تاعى دا اشكەرەلەگەندىك بولىپ تابىلادى، جۇڭگو جاق مۇنى استە قابىلدامايدى. ەگەر ا ق ش جاق رايىنان قايتپاسا، جۇڭگو جاقتىڭ سوڭىنا دەيىن شايقاساتىنى داۋسىز.

مالىمدەمەشى مىنانى ءبىلدىردى: جۇڭگو جاق مىنانى قايتالاي دارىپتەيدى: ساۋدا سوعىسىندا جەڭىمپاز بولمايدى، قورعانىمپازدىققا شىعار جول جوق. قىسىم كورسەتۋ جانە قوقانلوقى جاساۋ جۇڭگومەن قارىم – قاتىناس جاساۋدىڭ دۇرىس جولى ەمەس. جۇڭگو جاق ا ق ش جاقتى قاتە ءتاسىلىن دەرەۋ تۇزەتۋگە، جۇڭگوعا باعىتتالعان سىڭار جاقتىلى كەدەندىك باجى شارالارىن تۇگەلدەي كۇشىنەن قالدىرۋعا، جۇڭگوعا باعىتتالعان ەكونوميكا – ساۋدا جاعىنداعى قىسىم كورسەتۋدى توقتاتۋعا، جۇڭگو جاقپەن ءوزارا قۇرمەت ەتۋ نەگىزىندە تەپە – تەڭ دەڭگەيدە سويلەسىپ، الاۋىزدىقتاردى ۇيلەسىمدى ءبىر جاقتى ەتۋگە قۋزايدى.

كەلۋ قاينارى: حالىق تورابى