مەملەكەتتىك ءدارى – دارمەكتى باقىلاۋ – باسقارۋ مەڭگەرمەسى 28 توپتاعى بەزەنۋ بۇيىمدارىنىڭ بەلگىلەمەگە ساي كەلمەيتىنى جونىندە حابارلاندىرۋ جاريالادى 

ورتالىق تەلەۆيزيا تورابىنىڭ حابارى. مەملەكەتتىك ءدارى – دارمەكتى باقىلاۋ – باسقارۋ مەڭگەرمەسى تورابىنىڭ حابارلاۋىنشا، 2024 – جىلى مەملەكەت بويىنشا بەزەنۋ بۇيىمدارىنان ۇلگى الىپ تەكسەرۋ جۇرگىزۋ قىزمەتى بارىسىندا، چيڭحاي ولكەلىك ازىق – تۇلىك، ءدارى – دارمەكتى تەكسەرۋ – ساراپتاۋ مەكەمەسى قاتارلى ورىندار تەكسەرۋ جۇرگىزۋ ارقىلى ءونىم بەلگىسىنە Kosonma دەپ جازىلعان شاش جۋۋ سۇيىقتىعى قاتارلى 28 توپتاعى (رەت) بەزەنۋ بۇيىمداردىڭ بەلگىلەمەگە ۇيلەسپەيتىنىن بايقاعان.

«بەزەنۋ بۇيىمدارىن باقىلاۋ – باسقارۋ ەرەجەسى»، «بەزەنۋ بۇيىمدارىن ءوندىرۋ – تيجارات ەتۋدى باقىلاۋ – باسقارۋ ءادىسى»، «بەزەنۋ بۇيىمدارىنان ۇلگى الىپ تەكسەرۋ جۇرگىزۋدى باسقارۋ ءادىسى» قاتارلى بەلگىلەمەلەرگە ساي، مەملەكەتتىك ءدارى – دارمەكتى باقىلاۋ – باسقارۋ مەڭگەرمەسى حىبەي، جياڭسۋ، جىجياڭ، گۋاڭدۇڭ ولكەلەرىندەگى ءدارى – دارمەكتى باقىلاۋ – باسقارۋ تاراۋلارىنان اتالعان بەلگىلەمەلەرگە ۇيلەسپەيتىن بەزەنۋ بۇيىمدارىنا قاتىستى تىزىمگە الدىرۋشىنىڭ، ەستەلىككە الدىرۋشىنىڭ، امانات بويىنشا وندىرگەن كاسىپورىننىڭ ۇستىنەن زاڭ بويىنشا دەلو تۇرعىزۋدى، قاتىستى كاسىپورىنداردى زاڭ بويىنشا حاۋىپ – قاتەردى تەجەۋ شارالارىن اتقارۋعا ءارى ءوزىن – ءوزى رەتكە سالۋعا جانە وزگەرتۋگە بۇيىرۋدى تالاپ ەتكەن. ءارقايسى ولكەلەردەگى (اۆتونوميالى رايون، توتە قاراستى قالا) ءدارى – دارمەكتى باقىلاۋ – باسقارۋ تاراۋلارى قاتىستى بەزەنۋ بۇيىمدارىن تيجارات ەتۋشىلەردى اتالعان بەزەنۋ بۇيىمدارىن تيجارات ەتۋدى توقتاتۋعا، زات كىرگىزگەن كەزدەگى تەكسەرۋ ەستەلىگى قاتارلى جاعدايلاردى زاڭ بويىنشا انىقتاۋعا، زاڭعا قايشى ونىمدەردىڭ تەگىن تەكتەۋگە، زاڭعا قايشى ارەكەتتەر بايقالسا، زاڭ بويىنشا قاتاڭ انىقتاپ ءبىرجاقتى ەتۋگە؛ قىلمىس كۇمانىن قالىپتاستىرعانداردى زاڭ بويىنشا قوعام حاۋىپسىزدىگى ورگاندارىنا جوتكەپ بەرۋگە بۇيىرادى.

كەلۋ قاينارى: حالىق تورابى