ورتالىق ءتارتىپ تەكسەرۋ كوميتەتى، مەملەكەتتىك باقىلاۋ ـ تەكسەرۋ كوميتەتىنىڭ ورتالىق ۇيىمداستىرۋ بولىمىندە تۇراتىن ءتارتىپ تەكسەرۋ، باقىلاۋ ـ تەكسەرۋ گرۋپپاسىنىڭ بۇرىنعى باستىعى لي گاڭ تارتىپكە، زاڭعا اۋىر قايشىلىق جاساعاندىقتان پارتيادان شىعارىلدى جانە قىزمەتتەن ايدالدى 

شينحۋا اگەنتتىگىنىڭ 4 – ايدىڭ 7 – كۇنى بەيجيڭنەن بەرگەن حابارى. ج ك پ ورتالىق كوميتەتىنىڭ بەكىتۋىمەن ورتالىق ءتارتىپ تەكسەرۋ كوميتەتى، مەملەكەتتىك باقىلاۋ – تەكسەرۋ كوميتەتى ورتالىق ءتارتىپ تەكسەرۋ كوميتەتى، مەملەكەتتىك باقىلاۋ – تەكسەرۋ كوميتەتىنىڭ ورتالىق ۇيىمداستىرۋ بولىمىندە تۇراتىن ءتارتىپ تەكسەرۋ، باقىلاۋ – تەكسەرۋ گرۋپپاسىنىڭ بۇرىنعى باستىعى لي گاڭنىڭ تارتىپكە، زاڭعا اۋىر قايشىلىق جاساۋ ماسەلەسىنە دەلو تۇرعىزىپ، تەكسەرۋ جۇرگىزدى.

تەكسەرۋ ارقىلى مىنانى انىقتادى: لي گاڭ مۇرات - سەنىمنەن ايرىلىپ، اۋەلگى ماقسات پەن بورىشتان بەزىپ، ساياسي الدامكوستەرمەن استاسىپ، ۇيىمنىڭ تەكسەرۋىنە قارسى شىققان؛ ورتالىقتىڭ سەگىز ءتۇرلى بەلگىلەمەسىنىڭ رۋحىن ەلەمەي، ۇكىمەت قىزمەتىن ءادىل اتقارۋعا ىقپال جاساۋى مۇمكىن بولعان قوناعاسىنى قابىلداعان؛ ۇيىمدىق پرينسيپكە قايشىلىق جاساپ، بەلگىلەمە بويىنشا جەكە باسىنا قاتىستى ىستەردى مالىمدەمەگەن، كادرلاردى تاڭداپ ءوسىرۋ، مىندەتكە تاعايىنداۋ قاتارلى قىزمەتتەردە باسقالارعا پايدا جەتكىزگەن؛ پاكتىكتىڭ سوڭعى شەگىن بۇزىپ، بەلگىلەمەگە قايشىلىق جاساپ پايدا تابۋ قيمىلىمەن شۇعىلدانعان؛ اشكوزدىك اسقىنىپ، جالپىلىق ۇقىقتى جەكە مۇددەنى كوزدەۋدىڭ قۇرالى ەتىپ، ورشەلەنە اقشا، مال – مۇلىك جيناپ، قىزمەت قولايلىلىعىنان پايدالانىپ، باسقالاردىڭ كاسىپورىن تيجاراتى، نىسانداردى كوتەرمەگە الۋ، قىزمەت مىندەتىن رەتتەۋ سياقتى جاقتاردا پايدا تابۋىنا مۇمكىندىك جاساعان ءارى زاڭسىز تۇردە قوماقتى مال – مۇلىك العان.

لي گاڭ پارتيانىڭ ساياسي تارتىبىنە، ۇيىمدىق تارتىبىنە، پاكتىك تارتىبىنە جانە تۇرمىس تارتىبىنە اۋىر قايشىلىق جاساپ، قىزمەت مىندەتىندە زاڭعا اۋىر قايشىلىق جاساعان ءارى پارا الۋ قىلمىسىنا شاتىلعان، ونىڭ ۇستىنە پارتيانىڭ 18 - قۇرىلتايىنان كەيىن تيىلماعان، تىزگىنىن تارتپاعان، سيپاتى اۋىر، ىقپالى ناشار، ونى قاتاڭ ءبىر جاقتى ەتۋ كەرەك. «جۇڭگو كوممۋنيستىك پارتياسىنىڭ ءتارتىپ جازاسى ەرەجەسى»، «جۇڭحۋا حالىق رەسپۋبليكاسىنىڭ باقىلاۋ - تەكسەرۋ زاڭى»، «جۇڭحۋا حالىق رەسپۋبليكاسىنىڭ ۇكىمەت قىزمەتكەرلەرىن اكىمشىلىك جاقتان ءبىر جاقتى ەتۋ زاڭى» قاتارلى قاتىستى بەلگىلەمەلەرگە ساي، ورتالىق ءتارتىپ تەكسەرۋ كوميتەتى تۇراقتى كوميتەتى ءماجىلىسىنىڭ اقىلداسۋى جانە ج ك پ ورتالىق كوميتەتىنىڭ بەكىتۋى ارقىلى لي گاڭعا پارتيادان شىعارۋ جازاسىن بەرۋدى، مەملەكەتتىك باقىلاۋ - تەكسەرۋ كوميتەتى وعان ۇكىمەت قىزمەتىنەن ايداۋ جازاسىن بەرۋدى، پارتيانىڭ 20 - قۇرىلتايىنىڭ ۋاكىل تولىمدىلىعىن توقتاتۋدى ۇيعاردى؛ تارتىپكە، زاڭعا قايشىلىق جاساپ تاپقان بارلىق مال – مۇلكىن ءمۇسادىرالادى؛ قىلمىس كۇمانى تاعىلعان ماسەلەلەرى باقىلاۋ – تەكسەرۋ ورگانىنىڭ زاڭ بويىنشا تەكسەرىپ ايىپتاۋىنا وتكىزىپ بەرىلەدى، دەلوعا قاتىستى مال – مۇلكى بىرگە وتكىزىلىپ بەرىلەدى.

كەلۋ قاينارى: حالىق تورابى