5 – ايدىڭ 10 – كۇنىنەن باستاپ ۇيلەنۋگە تىزىمدەلۋ رەسميەتى قاراپايىمداستىرىلادى 

وزگەرىس ەنگىزىلگەننەن كەيىنگى «ۇيلەنۋگە تىزىمدەلۋ ەرەجەسى» (تومەندە قىسقارتىلىپ «ەرەجە» دەلىنەدى) جۋىردا جاريالاندى، 2025 – جىلى 5 – ايدىڭ 10 – كۇنىنەن باستاپ اتقارىلادى. «ەرەجەدە» نەگىزىنەن وزگەرىس ەنگىزىلگەن مازمۇندار: بىرىنشىدەن، ۇيلەنۋ جانە وتباسى جاعىندا قىزمەت وتەۋگە ساياتىن مازمۇندار. ەكىنشىدەن، ۇيلەنۋگە تىزىمدەلۋدى ”بۇكىل ەلىمىز بويىنشا ۇقساس ءبىتىرۋ“. ۇشىنشىدەن، ۇيلەنۋگە تىزىمدەلۋ جاعىندا قىزمەت وتەۋدى جاقسارتۋ.

كوپتەگەن توراپتاستار قاتىستى حاباردىڭ استىنا ءسوز قالدىرىپ، ”ۇيلەنگەندە تاعى دا نوپوس داپتەرى قاجەت پە“ دەپ سۇراعان ەكەن.

رەداكتوردىڭ «ەرەجەنىڭ» تولىق مازمۇنىن وقىعان سوڭ بايقاۋىنشا، ۇيلەنۋ، اجىراسۋ بارىسىندا نوپوس داپتەرىن كورسەتۋدىڭ قاجەتى جوق.

«ەرەجەدە» مىنالار بەلگىلەنگەن:

ۇيلەنۋگە تىزىمدەيتىن ورگاندار ۇيلەنۋگە تىزىمدەلگەندەردەن اقى الۋىنا بولمايدى.

ۇيلەنۋگە تىزىمدەلۋدى ءوتىنىش ەتكەن ىشكى ولكە تۇرعىندارى تومەندەگىدەي قۇجاتتار مەن جازباشا ماتەريالداردى تاپسىرۋى كەرەك:

ءوزىنىڭ ازاماتتىق كۋالىگى؛

جۇبايى جوق ەكەنى، سونداي – اق، قارسى جاقپەن تىكەلەي قانداس تۋىس ەمەس ەكەنى جانە قانداس تۋىس قاتىناسى ءۇش اتاعا تولعانى تۋرالى ماتەريالعا قول قويىپ تۇراقتاندىرادى.

ۇيلەنۋگە تىزىمدەلۋدى ءوتىنىش ەتكەن ادامدا تومەندەگىدەي جاعدايلاردىڭ ءبىر بولسا، ۇيلەنۋگە تىزىمدەيتىن ورگاندار ونى تىزىمدەمەيدى:

زاڭدا بەلگىلەنگەن ۇيلەنەتىن جاسقا جەتپەگەن بولسا؛

ەر – ايەل ەكى جاقتىڭ كەمىندە ءبىرى ءوز ەركىمەن ءوتىنىش بەرمەگەن بولسا؛

بىرەۋىنىڭ نەمەسە ەكەۋىنىڭ دە جۇبايى بار بولسا؛

تىكەلەي قانداس تۋىس بولسا نەمەسە قانداس تۋىس قاتىناسى ءۇش اتادان اسپاعان بولسا.

«ەرەجەدە» مىنالار بەلگىلەنگەن: ىشكى ولكە تۇرعىندارى ءوز ەركىمەن اجىراسپاقشى بولسا، ەر – ايەل ەكى جاق اجىراسۋ كەلىسىمشارتىنىڭ جازباشا نۇسقاسىنا قول قويۋى، ۇيلەنۋدى تىزىمگە الۋ ورگاندارىنا بارىپ، اجىراسۋدى تىزىمگە الۋدى بىرگە ءوتىنىش ەتۋىنە بولادى.

كەلۋ قاينارى: حالىق تورابى