سىرتقى ىستەر مينيسترلىگى: ەگەر ا ق ش جاق كەدەندىك باجى سوعىسىن، ساۋدا سوعىسىن ورىستەتۋگە قاسارىسسا، جۇڭگو جاق سوڭىنا دەيىن شايقاسۋعا دايىن 

شينحۋا اگەنتتىگىنىڭ تىلشىلەرى يۋان رۇي، چىڭ شين 4 – ايدىڭ 8 – كۇنى بەيجيڭنەن حابارلايدى. ا ق ش جاقتىڭ جۇڭگوعا باعىتتالعان كەدەندىك باجىنى %50 ۇستەمەلەيمىز دەپ قۇقاي كورسەتكەنىنە باعىتتاي وتىرىپ، سىرتقى ىستەر مينيسترلىگىنىڭ مالىمدەمەشىسى لين جيان كەزەكتى تىلشىلەردى قابىلداۋ ماجىلىسىندە بىلاي دەدى: ا ق ش جاقتىڭ كەدەندىك باجىنى الباتى الۋى ءار ەلدىڭ ۇيلەسىمدى ۇقىق – مۇددەسىنە اۋىر دارەجەدە سۇعاناقتىق جاساپ، دۇنيە جۇزىلىك ساۋدا ۇيىمىنىڭ بەلگىلەمەسىنە اۋىر دارەجەدە قايشى كەلەدى، ەرەجەنى نەگىز ەتكەن كوپ جاقتى ساۋدا ءتۇزىلىسىن اۋىر دارەجەدە زياندايدى، دۇنيە ءجۇزىنىڭ ەكونوميكالىق ءتارتىبىنىڭ ورنىقتىلىعىنا اۋىر سوققى بولادى، بۇل تيپتىك سىڭار جاقتىلىق، قورعانىمپازدىق، ەكونوميكالىق جاقتاعى وزبىرلىق، حالىقارالىق قوعامنىڭ تۇگەلدەي قارسى تۇرۋىنا ۇشىرايدى، جۇڭگو جاق مۇنداي ارەكەتتى قاتاڭ جازعىرادى ءارى وعان باتىل قارسى تۇرادى.

لين جيان مىنانى اتاپ كورسەتتى: ساۋدا سوعىسى مەن كەدەندىك باجى سوعىسىندا جەڭىمپاز بولمايدى، قورعانىمپازدىققا شىعار جول جوق. جۇڭگولىقتار پالە ىزدەمەيدى، پالەدەن دە قورىقپايدى، قىسىم كورسەتۋ، قوقانلوقى جاساۋ جانە بوپسالاۋ جۇڭگومەن قارىم – قاتىناس جاساۋدىڭ دۇرىس جولى ەمەس. جۇڭگو جاق، ءسوزسىز، قاجەتتى شارالاردى قولدانىپ، ءوزىنىڭ ۇيلەسىمدى دە زاڭدى ۇقىق – مۇددەسىن باتىل قورعايدى. ەگەر ا ق ش جاق ەكى ەل مەن حالىقارالىق قوعامنىڭ مۇددەسىن كاپەرىنە الماي، كەدەندىك باجى سوعىسىن، ساۋدا سوعىسىن ورىستەتۋگە قاسارىسسا، جۇڭگو جاق سوڭىنا دەيىن شايقاسۋعا دايىن.

كەلۋ قاينارى: حالىق تورابى