كەلبەت تۇزەتۋ وپەراتسياسى ارقىلى الپەتتەرىن وزگەرتىپ ون جىل قاشىپ جۇرگەن ەرلى – زايىپتىنىڭ ەكەۋى بىردەي قولعا ءتۇستى

كەلبەت تۇزەتۋ وپەراتسياسى ارقىلى الپەتتەرىن وزگەرتىپ، سالاۋاتتارىن وزگەرتىپ، الدامكوستىك ىستەۋ كۇمانىمەن ون جىل بويى قاشىپ جۇرگەن ەرلى – زايىپتى جۋىردا جياڭسۋ ولكەسى شۇيجوۋ قالاسى سۇينيڭ اۋدانىندا قولعا ءتۇستى.

جۋىردا سۇينيڭ اۋداندىق قوعام حاۋىپسىزدىگى مەكەمەسىنىڭ قىلمىستىق ىستەر ساقشىسى ۇلكەن اترەتى جيۋديڭشان حايۋاناتتار باقشاسىندا كەزەكتى شارلاپ تەكسەرۋ جۇرگىزگەن كەزدە، ءبىر ەر ساياحاتشى حالىق ساقشىلارىنىڭ نازارىن اۋدارادى، ونىڭ بەت – الپەتىندە ءبىرشاما زور وزگەرىس تۋىلعانىمەن، باسقا ولكەدەگى ساقشى جاق ون جىلدان بەرى قۋعىنداۋ ۇستىندەگى قىلمىس كۇماندىسى ۋاڭ X كە بارىنشا ۇقسايتىنىن بايقاعان. حالىق ساقشىلارى دەرەۋ ارەكەت ورىستەتىپ، اتالعان ەر ساياحاتشىنىڭ قاشىپ جۇرگەن ۋاڭ X ەكەنىن تۇراقتاندىرادى، ونىمەن بىرگە جۇرگەن ايەلى دە قاشىپ جۇرگەن ليۋ XX بولىپ شىعادى.

ون جىل بويى قاشىپ جۇرگەن ۋاڭ X بەت ءپىشىنىن وزگەرتىپ، ونىڭ ايەلى ليۋ XX مۇرنىنىڭ قىرىن بيىكتەتىپ، قاباعىن قوس قىرتىستى ەتىپ جاساتقان، ەرلى – زايىپتى ەكەۋى كەلبەت تۇزەتۋ ارقىلى بەت – الپەتىندەگى ەرەكشەلىكتەردى وزگەرتىپ قويماي، بار امالدارىن جۇمساپ، سالاۋاتتارىن دا وزگەرتىپ، وسى ارقىلى قوعام حاۋىپسىزدىگى ورگاندارىنىڭ تۇتقىنداۋىنان جالتارماق بولعان.

كەلۋ قاينارى: حالىق تورابى