پروكۋراتۋرا ورگاندارى ۋاڭ بونىڭ پارا الۋ دەلوسىنا زاڭ بويىنشا الەۋمەتتىك ايىپتاۋ ءتۇسىردى

شينحۋا اگەنتتىگىنىڭ 4 – ايدىڭ 10 – كۇنى بەيجيڭنەن بەرگەن حابارى. ءتىلشىنىڭ 4 – ايدىڭ 10 – كۇنى ەڭ جوعارى حالىق پروكۋراتۋراسىنان ۇعىسۋىنشا، ىشكى موڭعۇل اۆتونوميالى رايوندىق حالىق قۇرىلتايى تۇراقتى كوميتەتى پارتگرۋپپاسىنىڭ بۇرىنعى ورىنباسار شۋجيى، بۇرىنعى ورىنباسار مەڭگەرۋشىسى ۋاڭ بونىڭ پارا الۋ دەلوسىن مەملەكەتتىك باقىلاۋ كوميتەتى تەكسەرىپ اياقتاتقان، ەڭ جوعارى حالىق پروكۋراتۋراسىنىڭ زاڭ بويىنشا بەلگىلەۋىمەن، حۋبەي ولكەسى يچاڭ قالالىق حالىق پروكۋراتۋراسى تەكسەرىپ ايىپتاعان.

تاياۋدا يچاڭ قالالىق حالىق پروكۋراتۋراسى يچاڭ قالالىق ورتا دارەجەلى حالىق سوت مەكەمەسىنە الەۋمەتتىك ايىپتاۋ ءتۇسىردى. پروكۋراتۋرا ورگانى تەكسەرىپ ايىپتاۋ ساتىسىندا ايىپكەر ۋاڭ بونىڭ ارىز - شاعىم ۇقىعىنان يگىلىكتەنەتىندىگىن زاڭ بويىنشا ۇقتىردى ءارى ايىپكەردى سۇراققا تارتىپ، اقتاۋشىنىڭ پىكىرىن تىڭدادى. پروكۋراتۋرا ورگانى مىناداي ايىپتاۋ ءتۇسىردى: ايىپكەر ۋاڭ بو ىشكى موڭعۇل اۆتونوميالى رايونى چىفىڭ قالالىق پارتكومنىڭ تۇراقتى مۇشەسى، ورىنباسار قالا باستىعى قوسىمشا قالالىق قالا نەگىزدىك قۇرىلعىلارىنا قارجى قوسۋ، اشۋ شەكتى سەرىكتىگىنىڭ باس جوراسى، چىفىڭ قالالىق پارتكومنىڭ ورىنباسار شۋجيى، باۋتوۋ قالالىق پارتكومنىڭ تۇراقتى مۇشەسى، ورىنباسار قالا باستىعى، باياننور قالالىق پارتكومنىڭ ورىنباسار شۋجيى، قالا باستىعى، كوكحوت قالالىق ۇكىمەتتىڭ ورىنباسار شۋجيى، قالا باستىعى، ىشكى موڭعۇل اۆتونوميالى رايوندىق حالىق ۇكىمەتى پارتگرۋپپاسىنىڭ مۇشەسى، ورىنباسا ءتوراعاسى، ىشكى موڭعۇل اۆتونوميالى رايوندىق حالىق قۇرىلتايى تۇراقتى كوميتەتى پارتگرۋپپاسىنىڭ ورىنباسار شۋجيى، ورىنباسار مەڭگەرۋشىسى قاتارلى قىزمەت قولايلىلىعى، سونداي - اق قىزمەت ۇقىعى نەمەسە ورنى قالىپتاستىرعان قولايلى شارت – جاعدايدان پايدالانىپ باسقالارعا پايدا جەتكىزىپ، باسقالاردىڭ مال - مۇلكىن زاڭسىز قابىلداعان، سوماسى توتەنشە كوپ، زاڭ بويىنشا پارا الۋ قىلمىسى بويىنشا قىلمىستىق ىستەر جاۋاپكەرشىلىگىن قۋزاستىرۋ كەرەك.

كەلۋ قاينارى: حالىق تورابى