پروكۋراتۋرا ورگاندارى ۋاڭ حاۋدىڭ پارا الۋ دەلوسىنا زاڭ بويىنشا الەۋمەتتىك ايىپتاۋ ءتۇسىردى 

شينحۋا اگەنتتىگىنىڭ 4 – ايدىڭ 11 – كۇنى بەيجيڭنەن بەرگەن حابارى. ءتىلشىنىڭ 4 – ايدىڭ 11 – كۇنى ەڭ جوعارى حالىق پروكۋراتۋراسىنان ۇعىسۋىنشا، جياڭسۋ ولكەلىك ساياسي كەڭەس پارتگرۋپپاسىنىڭ بۇرىنعى مۇشەسى، ورىنباسار ءتوراعاسى ۋاڭ حاۋدىڭ پارا الۋ دەلوسىن مەملەكەتتىك باقىلاۋ – تەكسەرۋ كوميتەتى تەكسەرىپ اياقتاتقان، ەڭ جوعارى حالىق پروكۋراتۋراسىنىڭ كورسەتۋىمەن حۋبەي ولكەسى حۋاڭشى قالالىق حالىق پروكۋراتۋراسى تەكسەرىپ ايىپتاعان. تاياۋدا، حۋبەي ولكەسى حۋاڭشى قالالىق حالىق پروكۋراتۋراسى حۋاڭشى قالالىق ورتا دارەجەلى حالىق سوت مەكەمەسىنە الەۋمەتتىك ايىپتاۋ ءتۇسىردى.

پروكۋراتۋرا ورگاندارى تەكسەرىپ ايىپتاۋ ساتىسىندا ايىپكەر ۋاڭ حاۋدىڭ ارىز - شاعىم ۇقىعىنان يگىلىكتەنەتىندىگىن زاڭ بويىنشا ۇقتىردى ءارى ايىپكەردى سۇراققا تارتىپ، اقتاۋشىنىڭ پىكىرىن تىڭدادى. پروكۋراتۋرا ورگانى بىلاي دەپ ايىپتادى: ايىپكەر ۋاڭ حاۋ جياڭسۋ ولكەسى شۇيجوۋ قالالىق پارتكومنىڭ تۇراقتى مۇشەسى، قالالىق ۇكىمەت پاتگرۋپپاسىنىڭ ورىنباسار شۋجيى، ورىنباسار قالا باستىعى، شۇيجوۋ قالالىق ساياسي كەڭەس پارتگرۋپپاسىنىڭ شۋجيى، ءتوراعاسى، سۋچيان قالالىق پارتكومنىڭ ورىنباسار شۋجيى، ۋاقىتتىق قالا باستىعى، قالا باستىعى، سۋچيان قالالىق پارتكومنىڭ شۋجيى، جياڭسۋ ولكەلىك ساياسي كەڭەس پارتگرۋپپاسىنىڭ مۇشەسى، ورىنباسار ءتوراعاسى قاتارلى قىزمەت قولايلىلىعىنان پايدالانىپ، باسقالارعا پايدا جەتكىزىپ، باسقالاردىڭ مال - مۇلكىن زاڭسىز قابىلداعان، سوماسى ەرەكشە مول، زاڭ بويىنشا پارا الۋ قىلمىسى بويىنشا قىلمىستىق ىستەر جاۋاپكەرشىلىگىن قۋزاستىرۋ كەرەك.

كەلۋ قاينارى: حالىق تورابى