رەسمي جاريالادى! اراب بىرىككەن امىرلىگى جۇڭگوعا ۆيزاسىز ساياساتتى رەتتەدى

4 – ايدىڭ 11 – كۇنى، جۇڭگونىڭ اراب بىرىككەن امىرلىگىندە تۇراتىن ەلشىحاناسى، جۇڭگونىڭ دۋبايدا تۇراتىن باس كونسۋلحاناسى حابار جاريالاپ بىلاي دەدى: تاياۋدا اراب بىرىككەن امىرلىگى جۇڭگو ازاماتتارىنا ۆيزاسىز كىرۋ ساياساتىن رەتتەدى. كۇشكە يە مەرزىمى 6 ايدان جوعارى جاي پاسپورتى بار جۇڭگو ازاماتتارىنىڭ اراب بىرىككەن امىرلىگىنە ۆيزاسىز كىرۋىنە بولادى، ءار 180 كۇن ىشىندە جالپى ايالداۋ ۋاقىتى 90 كۇننەن اسىپ كەتپەۋى كەرەك.

تۇڭعىش رەت شەكارادان كىرگەن كۇننەن باستاپ 180 كۇن ەسەپتەلىنەدى، جالعاستى تۇرعان نەمەسە ارا – تۇرا تۇرعان ۋاقىتى 90 كۇنگە تولسا، مەرزىمى تولعاننان كەيىن اراب بىرىككەن امىرلىگىنەن كەتىپ، تۇڭعىش رەت شەكارادان كىرگەن كۇننەن باستاپ 180 كۇننەن كەيىن قايتىپ كەلۋىنە بولادى. 180 كۇن ىشىندە 90 كۇننەن اسىپ كەتسە، اسىپ كەتكەن كۇننەن باستاپ كۇنىنە 50 ديرام ايىپ سالىنادى.

اراب بىرىككەن امىرلىگىندە تۇراتىن ەلشىحانا، كونسۋلحانالار جۇڭگو ازاماتتارىنا قاتىستى ساياساتتاردى رەتتەۋگە نازار اۋدارىپ، ءجۇرىس ـ تۇرىستى ۇيلەسىمدى ورنالاستىرىپ، جەرگىلىكتى ورىننىڭ زاڭ ـ ەرەجەلەرى مەن سالت ـ ساناسىنا بويسۇنۋدى ەسكەرتتى.

ەگەر شۇعىل جاعدايعا تاپ بولسا، دەر كەزىندە ساقشىعا مالىمدەڭىز ءارى اراب بىرىككەن امىرلىگىندەگى ەلشىحانامەن، كونسۋلحانالارمەن بايلانىس جاساڭىز.

اراب بىرىككەن امىرلىگىنىڭ جەرگىلىكتى ساقشىعا مالىمدەۋ تەلەفونى: 999 (شۇعىل جاعداي)، 901 (شۇعىل ەمەس جاعداي)

جۇڭگونىڭ اراب بىرىككەن امىرلىگىندە تۇراتىن ەلشىحاناسى (ابۋدابي رايونى) 24 ساعات كەزەكشىلىك تەلەفونى: 504176589 + 971

جۇڭگونىڭ دۋبايداعى باس كونسۋلحاناسى (دۋباي جانە سولتۇستىك امىرلىك رايونى) 24 ساعات كەزەكشىلىك تەلەفونى: 43947588 + 971

جۇڭگو سىرتقى ىستەر مينيسترلىگىنىڭ الەمدىك كونسۋلدىق قورعاۋعا قىزمەت وتەۋ شۇعىل جاعدايعا توتەپ بەرۋ ورتالىعىنىڭ 24 ساعاتتىق ىستىق لەنياسى: 0086 - 10 - 12308، 0086 - 10 – 65612308

كەلۋ قاينارى: حالىق تورابى