شينجياڭ اۋا رايى ستانسياسى بوراننان ساقتانۋدىڭ كوك ءتۇستى ساقتىق سيگنالىن جاريالادى

جۇڭگو اۋا رايى تورابىنىڭ ەڭ جاڭا ساقتىق ينفورماتسياسىنا قاراعاندا، 4 - ايدىڭ 15 – كۇنى ساعات 18 دەن 23 مينۋت وتكەندە، شينجياڭ اۋا رايى ستانسياسى بوراننان ساقتانۋدىڭ كوك ءتۇستى ساقتىق سيگنالىن جاريالاعان. مەجەمەن 4 – ايدىڭ 16 – كۇنى كۇندىزدەن 17 – كۇنى كۇندىزگە دەيىن، بۇكىل شينجياڭنىڭ باسىم كوپ بولەگىندە ىلگەرىندى – كەيىندى باتىس سولتۇستىكتەن 6 بال اينالاسىندا بوران سوعادى، جەل وتىندە جەل كۇشى 10 دا 11 بال بولادى، مەزەتتىك جەل كۇشى 12 دە 13 بالعا جەتەدى؛ 4 – ايدىڭ 16 – كۇنى ءتۇن جارىمىنان 17 - كۇنى كۇندىزگە دەيىن، وڭتۇستىك شينجياڭنىڭ شىعىس بولەگىندە قيىس شىعىستان 6 بال اينالاسىندا بوران سوعادى، وتكىنشى جەل كۇشى 8 دە 9 بالعا جەتەدى؛ وڭتۇستىك شينجياڭ، شىعىس شينجياڭ قاتارلى جەرلەردىڭ ءىشىنارا وڭىرلەرىندە قۇمدى بوران سوعادى، ساقتانۋدى كۇشەيتۋ كەرەك.

قازىز ءۇرىمجى قالاسى، التاي ايماعى، تارباعاتاي ايماعى، ىلە وبلىسى بوراننان ساقتانۋدىڭ ساقتىق سيگنالىن جاريالادى.

شينجياڭ اۋا رايى ستانسياسىنىڭ الدىن الا بەرگەن مالىمەتىندە كورسەتىلۋىنشە، الداعى 3 كۇندە سولتۇستىك شينجياڭنىڭ باتىس سولتۇستىك بولەگى، تيانشان تاۋلى رايونى جانە سولتۇستىك بەتكەيى، اقسۋ ايماعى، بايىنعولىن وبلىسىنىڭ سولتۇستىك بولەگى، قۇمىل قالاسى قاتارلى جەرلەردىڭ ءىشىنارا وڭىرلەرىندە جاۋىن ـ شاشىن مول بولادى، ءىشىنارا وڭىرلەردە قىسقا ۋاقىت كۇشتى جاۋىن ـ شاشىن بولۋ، ناجاعاي جارقىلداۋ، بوران سوعۋ، بۇرشاق جاۋۋ قاتارلى كۇشتى كونۆەكسيالىق اۋا رايىنىڭ تۋىلۋ مۇمكىندىگى ءبىرشاما زور بولادى، ارالاس تاسقىننان، ءىشىنارا جەرلەردە نوسەردەن تۋىلۋى مۇمكىن بولعان تاۋ تاسقىنى مەن گەولوگيالىق اپاتتاردان ساقتانۋ كەرەك. بۇكىل شينجياڭنىڭ باسىم كوپ بولەگىندە جاۋىن – شاشىن بولىپ، بوران سوعادى جانە وڭتۇستىك شينجياڭداعى ويپاتتاردا قۇمدى بوران سوعادى، كوكتەمگى ەگىس، مال شارۋاشىلىعى، قاتىناس، ءجۇرىس - تۇرىس، ەلەكتر قۋاتى قاتارلىلارعا ىقپال جاساۋى مۇمكىن، جەر - جەر ەگىن، مال شارۋاشىلىق ءوندىرىسىنىڭ اياق الىسىن ۇيلەسىمدى ورنالاستىرىپ، حاۋىپسىزدىكتى باسقارۋ جانە قۇمدى بوراننان ساقتانۋ قىزمەتىن ويداعىداي ىستەۋى كەرەك.

كەلۋ قاينارى: حالىق تورابى