ازىق – تۇلىككە قوسىلاتىن قوسپالاردان پايدالانۋ جاعدايىنا ارناۋلى تۇردە ۇلگى الىپ تەكسەرۋ جۇرگىزۋ ناتيجەسى جاريالاندى 

جاڭا نۇسقاداعى «مەملەكەتتىك ازىق تۇلىك حاۋىپسىزدىگى جونىندەگى ولشەم جانە ازىق تۇلىككە قوسىلاتىن قوسپادان پايدالانۋ ولشەمى» 2 – ايدىڭ 8 – كۇنى رەسمي اتقارىلدى. جاڭا نۇسقاداعى مەملەكەتتىك ولشەمدە باستىسى جۇرتشىلىق ءمان بەرىپ وتىرعان شىرىتپەيتىن ءدارى جانە دەگيدرو اتسەت قىشقىلى قاتارلى ازىق – تۇلىككە قوسىلاتىن ءىشىنارا قوسپالاردان پايدالانۋ جاعىنداعى تالاپتار رەتتەلگەن. بازاردى باقىلاۋ – باسقارۋ باس مەڭگەرمەسى جۋىردا ارناۋلى تۇردە ۇلگى الىپ تەكسەرۋدى ارنايى ۇيىمداستىرعان، ۇلگى الىپ تەكسەرۋ ناتيجەسى بۇگىن جاريالانعان.

وسى رەتكى ۇلگى الىپ تەكسەرۋ بارىسىندا جۇرتشىلىقتىڭ تۇتىنۋ مولشەرى زور ءارى بارىنشا ءمان بەرىپ وتىرعان بولكا، بالكۇلشە، ەتتەن الدىن الا جاسالعان ازىق – تۇلىكتەر، سۋسىن، سىرنەگە سۇرىلەنگەن كوكونىس قاتارلى ازىق – تۇلىكتەرگە باعىتتاي وتىرىپ، شىرىتپەيتىن ءدارى جانە دەگيدور اتسەت قىشقىلى، سوربين قىشقىلى قاتارلى قوسپا تۇرلەرى ءتۇيىندى تۇردە تەكسەرىلدى.

ارناۋلى تۇردە ۇلگى الىپ تەكسەرۋ جۇرگىزۋ بارىسىندا 2 توپتاعى بۇيىمدار تولىمسىز بولعان، ولاردىڭ بارلىعى 2 – ايدىڭ 8 – كۇنى جاڭا نۇسقاداعى مەملەكەتتىك ولشەم اتقارىلعاننان كەيىن وندىرىلگەن، جەكە – جەكە سىرنەگە سۇرىلەنگەن كوكونىس جانە بالكۇلشە، تولىمسىز بولعان قوسپا دەگيدرو اتسەت قىشقىلى ەكەن.

بازاردى باقىلاۋ – باسقارۋ باس مەڭگەرمەسى كەلەسى قادامدا حاۋىپ – قاتەرى جوعارى ازىق – تۇلىكتەردەن، بۇرىن تولىمدى بولۋ ءمولشەرى ءبىرشاما تومەن بولعان ازىق – تۇلىكتەردەن ۇلگى الىپ تەكسەرۋ جيىلىگىن اناعۇرلىم ارتتىرىپ، بولكا، بالكۇلشە قاتارلى تۇتىنۋ مولشەرى زور، جۇرتشىلىقتىڭ بارىنشا ءمان بەرەتىن ازىق – تۇلىكتەردەن ۇلگى الىپ تەكسەرۋ تەبىنىن ارتتىرادى؛ قالا، اۋىل – قىستاق قاتارلى وڭىرلەردى كەڭ كولەمدى قامتيدى.

كەلۋ قاينارى: حالىق تورابى