پروكۋراتۋرا ورگاندارى شۇي زونىڭ پارا الۋ، ۇقساس تۇردەگى تيجاراتپەن زاڭسىز شۇعىلدانۋ دەلوسىنا زاڭ بويىنشا الەۋمەتتىك ايىپتاۋ ءتۇسىردى

شينحۋا اگەنتتىگىنىڭ 4 – ايدىڭ 14 – كۇنى بەيجيڭنەن بەرگەن حابارى. ءتىلشىنىڭ 4 – ايدىڭ 14 – كۇنى ەڭ جوعارى حالىق پروكۋراتۋراسىنان ۇعىسۋىنشا، جۇڭگو جۇڭشين توبى شەكتى سەرىكتەستىگىنىڭ بۇرىنعى پارتكوم مۇشەسى، ورىنباسار باس ديرەكتورى شۇي زونىڭ پارا الۋ، ۇقساس تۇردەگى تيجاراتپەن زاڭسىز شۇعىلدانۋ دەلوسىن مەملەكەتتىك باقىلاۋ – تەكسەرۋ كوميتەتى تەكسەرىپ اياقتاتقان، ەڭ جوعارى حالىق پروكۋراتۋراسىنىڭ كورسەتۋىمەن لياۋنيڭ ولكەسى شىنياڭ قالالىق حالىق پروكۋراتۋراسى تەكسەرىپ ايىپتاعان. تاياۋدا شىنياڭ قالالىق حالىق پروكۋراتۋراسى شىنياڭ قالالىق ورتا دارەجەلى حالىق سوت مەكەمەسىنە الەۋمەتتىك ايىپتاۋ ءتۇسىردى.

پروكۋراتۋرا ورگانى تەكسەرىپ ايىپتاۋ ساتىسىندا ايىپكەر شۇي زونىڭ ارىز - شاعىم ۇقىعىنان يگىلىكتەنەتىندىگىن زاڭ بويىنشا ۇقتىردى ءارى ايىپكەردى سۇراققا تارتىپ، اقتاۋشىنىڭ پىكىرىن تىڭدادى. پروكۋراتۋرا ورگانى بىلاي دەپ ايىپتادى: ايىپكەر شۇي زو جۇڭشين دايكا شەكتى جارنا سەرىكتەستىگىنىڭ ورىنباسار باس مەڭگەرۋشىسى، باس مەڭگەرۋشىسى، پارتكوم شۋجيى، ورىنباسار باس جوراسى، باس جوراسى، جۇڭگو جۇڭشين توبى شەكتى سەرىكتەستىگى پارتكومىنىڭ مۇشەسى، ورىنباسار باس مەڭگەرۋشىسى قاتارلى قىزمەت قولايلىلىعىنان پايدالانىپ، باسقالارعا پايدا جەتكىزىپ، باسقالاردىڭ مال - مۇلكىن زاڭسىز قابىلداعان، سوماسى ەرەكشە قوماقتى؛ جۇڭشين دايكا شەكتى جارنا سەرىكتەستىگىنىڭ باس مەڭگەرۋشىسى، ورىنباسار باس جوراسى، باس جوراسى بولۋ قىزمەت قولايلىلىعىنان پايدالانىپ، باسقالارمەن بىرگە سەرىكتەستىك قۇرىپ، جۇڭشين دايكامەن ۇقساس تۇردەگى كاسىپتەرمەن شۇعىلدانىپ، زاڭسىز پايدا تاپقان، سوماسى توتەنشە كوپ، زاڭ بويىنشا پارا الۋ قىلمىسى، ۇقساس كاسىپپەن زاڭسىز شۇعىلدانۋ قىلمىسى بويىنشا قىلمىستىق ىستەر جاۋاپكەرشىلىگىن قۋزاستىرۋ كەرەك.

كەلۋ قاينارى: حالىق تورابى